يا متعب القلب قلي ويش هي غلطاتي

[دمــ من ذهب ــي]

http://up.joreyat.org/12Jun2008/ba8d1c2fee2b3c73cc192b3a7515f1fc.gif

يا متعب القلب قلي ويـش غلطاتـي
ان كنت انا اقدر اعدلهـا بعدلهـا
لا صرت تجهل عناء الدنيا .. وضيقاتي
من دون ما شرح لك اوضاعي تأملها
الوقت ضدي.. حرمني من ملذاتـي
والصد بعدك ذبح روحي .. وكملهـا
لا .. لا يغرك كثير الصمت ..وسكاتي
خل المشاعر تقول الآآآآه وإسألهـا
يسكني الحب .. واضح من عباراتـي
وش عاد لجلك حروفي لـو أدللها
عذبني الشوق و اسرفـت بخيالاتـي
روح ٍ تحبك دخيلك ليش .. تهملها
يا ليتك إشوي تشعـر فـي معاناتـي
دنياك يمكن عليك تضيـق باكملهـا
الحزن كنه سفيـري فـي علاقاتـي
والهم خيّم على حالـي .. وطولهـا
اغديت دربي وتاهت فيـك خطواتـي
كل المواعيد مدري ليـش تجهلهـا
سنين احاول وضاعت كـل حيلاتـي
ماتدري اني (حيـاة الـذّل) مقبلهـا
لا جيتك أسال و ادوّر فيـك ضحكاتـي
كنك تعمد بيديـك اليـوم .. تقتلهـا
لا تترك الظـن يلعـب باحتمالاتـي
الكلمه اللي تحزّ بخاطـرك .. قلهـا
تعال شفني وحـس بحـال لوعاتـي
كن الدقايق بدونـك عـام مطولهـا
متى التباشير بقدوم (الغـلا) تاتـي
فرحة زماني بشوفـك مـا تخيلهـا
خلاص صبري تعـدى كـل هقواتـي
اتعبت نفسي اعزيهـــا..وعللـها
ابيك تنسى وتدمـح كـل (زلاتـي)
بعض البشر صعب ما نقـدر نزعلهـا
والحين جيتك ابمسح كـل غلطاتـي
دنياي دونـك وربـي ما تحملهـا

ان شاء الله تعجبكم

[احلام طفلة]

غاليتي...

أبدع القلم وأسرف بذلك

فكانت الاحرف كعرائس ترتدي القلائد في نحورها

بدت لامعة متلألئة

راق هو حرفك

كرقي فكرك

احييك ياغاليه واربت على كتفك

لتستمري

فكلنا شوق لمعانقة الحرف من سموك

جل التحيات واتم الاحترام

اختك

[أيام حلوة]

ماشاء تبارك الله


جدا جميلة يالغالية ..... زادك الله من فضلة



بورك فيك ... وإلى جديد متجدد

[كلي عسل]

ماشاء الله ابداع

[فتاة طموحة]

يعطيج ألف عافية .. قصيدتج حلووووووة ماشاء الله ..

أشهد انج شاعرة مبدعة..

وان شاء الله مزيد من التقدم .. والإبداع.. الله يوفقج دوووووم..

[مرضية الرحمن]

السلام عليكم ورحمة الله وبركاته .....,
ابدعت اخيتي في طرح القصيدة
كلماتك نادرة وحروفك ذهب ومعانيها الماس .....والكاتبه اروع واروع ....
ننتظر ابداعاتك ..
محبتك

[دمــ من ذهب ــي]

جزاكم الله خير
بس

مو انا كاتبه
منقوله من الشاعر
محمد العكسر
اسفه نسيت ما اكتب انها منقوله
اكرر اسفي