وش أسوي ؟؟؟؟

[بنت الحنابله]

واجهتني اليوم مشكله ...أريد رأيكم فيها ..أنا أدرس في كليه هيئة التدريس فيها أجنبيه ...وأغلبهم نصرانيات ...
في مادة التربيه الصحيه تدرسنا وحده نصرانيه .....والأختبار عباره عن عروض بروجكتر وفيديو....تخيلوا إنها إسمحت للطالبات أنهم يحطون موسيقى في عروضهم .و البنات ماصدقو خبر ...انا كلمت الإداره بها الخصوص وما لقيت أي تجاوب...المشكله ماهي هنا ....المشكله أني رضخت للأمر الواقع ..لكن بشروطي ...فقررت إنه أحط في عرضي أهات ....والريل بلير سويته مع أنشودة أخونا أوديجي ((Frend))وكان العرض رائع ....وتبدأ المشكله يوم بدأ عرض زميلاتي ....مع الموسيقى ...فتوجهت للأستاذه وفهمتها إني ما أحب أسمع موسيقى وطلبت منها إني أغادر مدة العرض وأرجع عند إنتهاءه .....وفعلا صار اللي بغيته ..ولما جا دوري أشتغل العرض عادي ...ولما إنتهيت جاتني الأستاذه وقالت لي بالحرف الواحد ...أنه منصدمه من تناقضي كيف أقول إني ما أسمع موسيقى وأنا مشغله موسيقى ....
ففهمتها إنها مش موسيقى وإنها أصوات بشريه ((طبعا ما أقدر أقول اناشيد بالإنجليزي )) وما صدقتني وأصرت إن اللي سمعته موسيقى وكانت تناظرني نظرات إحتقار ....أنا أصريت على رايي وقلت لها إنها لازم تسأل عن هالشي ....والبنات ما يساعدون ...ويطلبون مني أني أقدم تنازلات في سبيل دراستي...
أنا بصراحه أخاف أني شوهت صورة الإسلام قدامها ...أرجوكم إنصحوني وش أسوي ؟؟؟.....
وإدعولي أنا في غربه حقيقيه ...والمشكله إني في بلاد الحرمين .....

[العصا السحريه]

مرحبا أختي ..



أنتي حاولي تفهمينها الوضع .. ,إذا مافهمت فهي حره ..


ثاني شي أنتي ماسويتي شي حرام وإذا هي معتبرته موسقى بكيفها ..


أنتي سويتي الي عليك ,,


الله يوسع صدرك ويفك غربتك ..

[بنت الحنابله]

((أنتي حاولي تفهمينها الوضع .. ,إذا مافهمت فهي حره ..))

أنا ما أبيها تاخذ عني كامسلمه فكره خطأ ...وحاولت أفهمها لكن هي قالت بإستهجان إنها راح تسأل ...
الطامه الكبرى ..إن البنات حملوني المسئوليه ..على إن اللي سويته خطأ وأنا خرجت من المكان بصمت ...
ولا أدري وش لون أحل الموضوع ..أكلمها مره ثانيه وإلا أطنش ؟؟؟؟والله ماني عارفه وش أسوي ....

[هند الجبالي]

انتي وضحتي لها الشيء هذا واظهرتي دفاعك عن تقاليد الاسلام
ولكنها لا تصدقك لانها تريد ذلك
فالامر واضح جدا
اكثري من الاستغفار والتسبيح حتى يعرفو انك مسلمه تحتفظين بروح الايمان ولكن غاليتي كوني صادق مع ربك
بالنيه حين تستغفرين .
ورضا الناس سيتعبك كثيرا في مسرى حياتك
انتي واثقه من نفسك ولا تهتمين لامر الناس
لانهم يذكرون اخطائك وينسون اخطائهم

[آه يادنيا]

لو كنت بمحلك

أطـــــــــــنـــــــــــش


أنا فهمتها وهي اللي مو راضيه تفهم

كيفها بتفهم > كان بها , ماراح تفهم > طقق ^_^


أهم شي عندك ربك مو ؟؟

ربك راضي على اللي سويتيه خلاص ^_^

أما البنات اسمحي لي أقول لك انهم ماصدقوا خبر عشان يطلعون اللي عندهم عليك ^_+

لأن موقفك أصـــــلاً ما عجبهم ..

إذا شافوك مهتمه وما ارتحتي لتصرفك أو حسوا انك ندمانه

راح يستمرون على هالطريقه ( طريقة التشكيك والتقليل والسخريه )


لا تسمعين لهم و الأمر عادي

وأهم شي انك إذا سويتي حاجه مقتنعه فيها

تفتخرين انك سويتها .. وتبينين افتخارك ,, يالله تسلمين من الناس وكلامهم ^_^


أما كونها تاخذ عنك فكره كمــــســــلمـــــه >> ماتوصل هالدرجه أبدا !!!!


أنتي مكبرتها يابنت الحلال وهي صغيره ^_^

هذا اللي بسويه لو كنت بمحلك ..


.


.

[بنت الحنابله]

يعني أطنش ...خلاص الله يجزاكم الجنه على التفاعل معي .....وعلى قولتكم دامها ما تبي تصدق قلعتها ...ويشهد الله إني كلمتها بكل إحترام لكن ما نقول إلا حسبي الله ونعم الوكيل .....

[أميرة الدواسر]

نصيحتي لك ارجعي كلميها وضحيلها الامر

يمكن يوم تكلمينها كانت مضغوطه أو ماركزت

أرجعي كلميها وضحيلها السالفه

والله يوفقك

[بنت الحنابله]

نصيحتي لك ارجعي كلميها وضحيلها الامر

يمكن يوم تكلمينها كانت مضغوطه أو ماركزت

أرجعي كلميها وضحيلها السالفه

والله يوفقك

تهقين؟؟؟؟؟؟؟؟؟؟؟؟؟