أترك المدرسه او لا [الأرشيف] - منتديات رفيق الدرب

العصا السحريه

14/10/2007, 05:13 AM

السلام عليكم ورحمة الله وبركاته

سؤال ودي أترك المدرسه أمس وهو يوم العيد الناس

فرحانين وأنا ضايق خلقي ليش لأن المدرسه قربت

وفكرة بجلس هالسنه والسنه الجايه بكمل يعني فترة

راحه فقط لاغير وحتى لو فوت هالسنه ما بيضر

بيصير عمري عمر السنه الي أدرس فيها يعني بيصير الوضع عاااااادي

لأنني متقدرمه سنه

وفكرة يعني خلاص ما بقى ألا هالسنه والسنه الجايه

وأخلص ثنوي وأجلس بالبيت

ومره أقول لو جلست هالسنه وش بستفيد أعرف روحي

فكرة أخذ دوراة حاسب أو أخذ رخصه القياده للحاسب

وشكلي بسويها بس أول بستخير بعدين بفكر

هذي همومي وودي تشاركوني فيها وحتى لو بكلمه

يعني أنا الحين كتبته لكم وخلاص طلع من قلبي

كلمة بنت خالتي عن الفكره قال أعرفك إذا جلستي هالسنه خلاص

منتب راجعه تدرسين

خلااااااااااااااص ماله داعي الدراسه أحس راسي بينفجر

من أسباب الروتين

تقومين الصبح تلبسين مريولك تفطرين تروحين المدرسه

تسولفين شوي مع صديقاتك تدخلين الفصل

دروس دروس دروس فسحه بعدين دروس دروس

دروس دروس ترجعين البيت

تنامين تقومين العصر تجلسين وتجلسين

وتجلسين إلى العشا ترتبين دروسك

طبعاً بدون مذاكره وتنامين تقومين الصبح وعلى هالوال إلى مته

خلا أنا الحين وأنا أكتب قررت وقرار أخير بترك المدرسه ولا له داعي ولا فيه أمل

مع السلامه وأتحفوني بردودكم على أغير رأيي

العصا السحريه

14/10/2007, 05:44 AM

بنات أشوفكم تقرون وتطلعون ليش رشفة صدى أشوفك جالسه بالموضوع بسرعه ردي

حوووريهـ

14/10/2007, 06:05 AM

قلبووو ارد لك بالرسايل الخاصه : )

العصا السحريه

14/10/2007, 06:08 AM

ألف شكر حوووريهـ

~»{رشفة صدى|_

14/10/2007, 06:17 AM

ياحبيتي

لا تتركين دراستك

هذا مستقبلك

وبعدين وش السبب تتركينها

تقولين عشان مليتي

طيب مابقى شي بقي سنه أو سنتين وتخلصين

اللي صبرك على على 11 سنه

يعني منتيب صابره هالسنه

خلاص حبيبتي كمليها وريحي مره وحده

بعد وش يضمن لك تكملينا

يمكن يجيك الرجل <<<< نيهاااع

مثل كلام بنت خالتك يمكن ماتكملينها ماتدرين وش الظروف

لاحبيبتي أستخيري وكمليها مابقى إلا هالسنتين وتخلصين وش بيضر يعني

أتمنى أنه أعجبك رايي

وأتمنى أنه ماكان جامد

وبعدين علمينا إذا كنتي بتكملينها ولالا بصراحه ضيقتي صدري

خلاص ياحلوه ^_^

تقبلي مروري

العصا السحريه

14/10/2007, 06:30 AM

يكن يجيك الرجل <<<< نيهاااع
ألا هذي لالالالالالا

أدرس مية سنه

بشوف أن شاء الله

:::صخب فهدوء...

15/10/2007, 01:53 AM

:حبيبتي أختي
العصا السحريه
أياك ثم اياك ان تفكري بتأجيل
هذة الفكره عادة بتراود بنات ثالث ثانوي
بس صدقيني كلها أيام وبتعدي وتتمني ترجعيها

وياأختي اذا ببتركي المدرسه هذه السنه حتفقدي صحباتك السنه القادمه
وهذا الشيء بيأثر في دراستك

وبعدين ليش التشائم بأنك حتجلسي بالبيت لما تتخرجي خلي طموحك عااااااااااااالي
بدخول الجامعه أو الكليه :yasser-atrees (285)

انا كل مااتذكر اني هذه السنه سنة تخرجي أحس بنغزه بقلبي لفراق حياة الدراسه

ارجوك لاتتركيها وانتظر خبر تخرجك هذه السنة

|[ S A M A R ]|

15/10/2007, 03:27 AM

لا تفكريييييييييييييييييين تتتركين الدراسه .. بتملين من جلسة البيت ..
اعرف ناس تركوه وملو ورجعو يدرسون .. نصيحة ..

»الأخصائية هاجر©

15/10/2007, 03:57 AM

أهلا وسهلا بك أختي وأعتذر عن تأخري بالرد لإنشغالي :yasser-atrees (341)

لنبعد كل ما ذكرتيه على جنب

ولنفكر سوياً

هل ترين بأن الدنيا تسير للأفضل أم لا ؟؟!!

لنكن أكثر صراحة

الدنيا تسير باتجاه من الصعب حتى الأصعب

فنحن نرى المتخرجين من الجامعه قبل عشرة أعولم يجدون الوظيفه أسهل من حديثين التخرج

ولوضوح أكثر

أنتي ما تدرين وش وضعك بكره

العلم نــــــــور بك ما تحمله هذه الكلمة من معنى

لو فكرتي بمستقبلك بطريقه أفضل لإيدتي آراء كل من رد عليك

وزي ما قالوا من سبقني هذا الشعور طبيعي عند كل بنات الثانوي

يكون الواحد خلاص طفش من هالحال دراسة وحصص وواجبات

بس معليش

صدقيني بيجي اليوم الي تقولين يااااااااه ما أحى أيام الثانوي << تراي دايم أقولها

أصبري وكلها كم سنة وتخلصين الجامعه بعد وبتشبعين من جلسة البيت

العلم سلاح للمؤمن

وكلنا ما تهمنا الوظايف بس لما تكون معاك شهادتك راح تنفعك بأشياء كثيرة حتى تفكيرك راح يتغير

ونظرت للحياة بعد << اسألي بنات ثاني جامعه

ونصيحة أخيرة

لا تفكرين تتركين الدراسة

زي ما قالت سمر كثيير تحسفوا

والدورات خليها بوقتها (( الإجازات أو بعد التخرج ))

الله يوفقك لكل خيــــــــر

وينور قلبك بالطاعه والعلم والإيمان

^__^

مودتي

طمنيني عن جديدك

العصا السحريه

15/10/2007, 05:14 AM

سمر

ألف شكر وأن شاء الله بكمل

هجوري

ان شاء الله وكلامك درر

البنت التي كويسه

15/10/2007, 05:33 AM

لاااااااااااا مب على كيفتس تتركينه

يا بنت الناس انا كذا نفسيتي يوم كنت كبرتس بصف ثاني كنت ابي اتركه والله ..

بس قعدت افكر زين .. قلت اتعب سنتين وخلاص , اتخرج الحمد لله ,, ولا اترك الدراسه سنه وبعدين ارجع

بعدين حبيبتي تتوقعين نفسيتتس بتكون حلوة اذا رجعتي ؟ لااااا عيوني لا تأملين ^_^ بتصير أزفت وأزفت .,

شوفي .. انتي فكري زين ,, وبعدين هذا مستقبلتس .. وترا الناس تتكلم ^_* فهمتي ؟ بيقولون ليش تركت الدراسه وليش وليش

وانتي بسم الله عليتس ما بتس شي .. فـ ليش تسوين اشياء بتضرتس مستقبلآ .. ومب نافعتتس الحين .,

بس طبيعي ترا اللي قاعدة تفكرين فيه ,. لأنه مدرستكم الحين ترمم وحالته حاله صووح ..؟

انا اعرف بنات كثير من عندكم ,, بالمره متضايقين ,, بس اقولهم معليش تحملوا كلها سنه وانتم خالصين ^_^

واذا ما ارتحتي .. حاولي تنقلين لمدرسهـ ثانيه .,ترا الثانويه الأولى روووعهـ والمعلمات عسل ^_^ هع .. الله يوفقتس يا قلبي ,,

بس هااه لا تسوين شي تندمين عليه بعدين ',

سامحيني على ردي الغبي >< بس انقهرت وانفعلت والله ,, قهرتين صراحه ,,

الحاسة السادسة

15/10/2007, 06:10 AM

اللي فوقي .. كم مره قالت حرف الـ ( تس) هع .!

ــــــــــــــــــــــــــــــــــــــــــــــــــ ــ
ذذذذذذذذذذ

أبدخل .. منكن ؟!

شسمه ..

أختي ..

ترا قسم بالله لو تبي تتركين الدراسه .. ماراح تكون همتك زينه وإلا أعلى من أول ... لا .. تبي تكون أزفت والله ...

وبعدين .. كلنا ملينا من هالروتين ..

بس شنسوي >< .. حياتنا ومستقبلنا .. وأنتي اصبري لك سنتين .. وإن شاء الله الجامعه ..

عاد إذا تبين ترتاحين مثل ما قلتي سنه .. خليها بين الثانوي والجامعه .!!

فكرة أخذ دوراة حاسب أو أخذ رخصه القياده للحاسب

فكره رائعه أنك تأخذين الرخصه ..

بس ترا تقدرين بعد أنك تدرسين وتأخذينها

ما ضرنا حنا .. تراكمي وثانوي وأخذناها .. بعد يعني حنا موب مثلكم دوافير .. قاعدين بالبيت ...

حنا هاذانا نطلع ونروح ونجي .. وماشاء الله ماشين بدراستنا مع هالدوره ^_^ .!

ونصيحتي .. لو أختي تبي توقف دراسه سنه وحده .. كان أعترض عليها ..

وبعد يمكن ترتاحين سنه .. همن تقولين أبرتاح سنه ثانيه .. وإلا كسل أدرس .. وإلا وشلون أدرس مع بنات أصغر من << هذي نقطه مهمه !!

بالتوفيق عزيزتي ..

إن شاء الله تكملين ونشوفك دكتوره << هذا تفكير أغلب الأهالي ذذذذذذذذ

وكل عام وأنتِ بخير ^_^ .!

{ سَرَآبْ ~

15/10/2007, 06:16 AM

انا اشوف ان داراستك اهم شي
ومافي سبب مقنع انك تسيبيها
لانها مستقبلك
ولو سبتيها رح تندمي
يمكن ترتاحي اسبوع شهر
بس بعدين رح تندمين
ورح تكتشفي في يوم من الايام انك ارتكبتي
اكبر غلط في حقك
بس انتي لو فكرتي بعقلك
شوفي كيف رح تكون معاك يشهاده تفخري فيها
ويفخرو فيها اهلك
وبعدين طلب العلم واجب حبيبتي
ويا قلبي فكري بعقلانيه
الله ينورلك طريقك ويهديكي
الى طريق الصواب
بس اباكي تتذكري (من سلك طريقا يلتمس فيه علما سهل الله له به طريقا الى الجنه )
وبعدين وش رايك بدا الحديث
ربي رح يسهلك طريق للجنه وش تبي اكتر من كده
الله يسعدك
واسفه على الاطاله
اتمنى تتذكري كلامنا احنا اخواتك ونحبك
اختك في الله

رمال الصحراء

15/10/2007, 06:24 AM

وعليكم السلام ورحمة الله وبركاته
الغالية / العصا السحرية

بداية أقولك أنا أكره الدراسة ولكن والحمد لله خلصت دراستي الثانوية والجامعية :yasser-atrees (341) وأعمل حالياً معلمة :yasser-atrees (285)

شوفي مو علشان إنك حاطة في بالك أنه راح تجلسي بعد الثانوية في البيت ؟ أنه ما يهم تدرسي أو لا ؟ وأنه
عادي تأجلي سنة وترتاحي ؟

الإنسان منا قد يصيبه طفش ، زهق ، ملل من الدراسة ، من العمل :yasser-atrees (285)
هذا لا يعني أنه يخلي الشيء ويهرب بعيد..
إذا كان ممكن يبتعد ، فعليه أن يبتعد عنه ويرتب أموره ومن ثم يرجع وبقوة :yasser-atrees (341)
وإلا يجلس مع نفسه ويرتب أموره ومن ثم يضع لنفسه أهدافاً وخطة !

في أشياء نقدر نبتعد عنها ، وأشياء ما نقدر علشان كذا يا إما نبتعد أو نجلس مع أنفسنا !

في الحقيقة الإنسان إذا ما كان عنده هدف يريد أن يصل إليه ويحققه ، فالأشياء لا تفرق عنده..

مثال :
إنسان عنده خير " فلووووووووس " وما عنده تخطيط لصرف هذه الفلوس ، ما عنده هدف يسويه بهذه الفلوس ، فعادي عنده يصرف بدون حساب !
عادي عنده عطوه الراتب أو لا لأنه عنده من قبل فلوس !

عكس الإنسان اللي محتاج الفلووووووووووس واللي يعمل ويتحمل المشقة ليحصل عليها ، لما يأخذها عنده أشياء يسويها ، مخطط يشتري شيء !

إنتي إذا حطيتي لك هدف " ليش تدرسين " ، فانتي ما راح تتركي الدراسة !

تعرفي على بنات يهتمون بالدراسة ، شوفيهم ليش يدرسون ، ما هي الأسباب اللي تخليهم مجتهدين ، الأسباب اللي تخليهم لالالالالالازم يكملون الدراسة ..

إذا تحبين التواصل معي على الخاص ، أخبريني لأني معطلة هذه الخاصية عندي :yasser-atrees (417)

العصا السحريه

15/10/2007, 06:43 AM

وإلا وشلون أدرس مع بنات أصغر من << هذي نقطه مهمه [/COLOR]!!<<< أصلان أنا متقدمه سنه يعني

عمري أول ثنوي أمي عجله تبي أخلص دراسه

أما الدكتوراه <<<<< بررررررررر<<< مافيه أمل أدبي ودكتوراه ما يركب

ألف شكر لكم جميعاً وجزاكم الجنه
[COLOR="MediumTurquoise"]رمال الصحراء

أنتي لو تبين أرسليلي وياليت بعد

رمال الصحراء

15/10/2007, 06:55 AM

العصا السحرية..

بعد كل ما قالوه اللي ردوا هنا ، ايش راح تسوي :yasser-atrees (341)
وإذا ودك أنت ترسليلي قوليلي علشان أفتح خاصية الرسائل :yasser-atrees (285)

الحاسة السادسة

15/10/2007, 06:56 AM

وإلا وشلون أدرس مع بنات أصغر من << هذي نقطه مهمه [/COLOR[COLOR="Blue"]]!!<<< أصلان أنا متقدمه سنه يعني

عمري أول ثنوي أمي عجله تبي أخلص دراسه

أما الدكتوراه <<<<< بررررررررر<<< مافيه أمل أدبي ودكتوراه ما يركب

ليش :(

لا تحطمين نفسك ..

ممكن أنك تكوني دكتوره في قسم الإنجليزي .. عاجبني القسم هذا

عموما يا خيتي .. شيلي الفكره من راسك بس ..

وترا باقي 4 أيام على الدراسه ذذذذذذذذ << أبو النذاله هع ...

العصا السحريه

15/10/2007, 07:01 AM

وترا باقي 4 أيام على الدراسه ذذذذذذذذ << أبو النذاله هع <<<<< ليش جتن الصيحه يوم قريته

أن شاء الله بكمل بأذن الله

الحاسة السادسة

15/10/2007, 07:05 AM

وترا باقي 4 أيام على الدراسه ذذذذذذذذ << أبو النذاله هع <<<<< ليش جتن الصيحه يوم قريته

أن شاء الله بكمل بأذن الله

الصيحه ؟!

لا ما يصير .!

وحلو أنك قررتي أنك تكملين ..

بالتوفيق ..

عقبال التخرج .!!

^_^

العصا السحريه

15/10/2007, 07:24 AM

أن شاء الله

[ ذوقْ ’’

16/10/2007, 11:45 AM

وعليكم السلام ورحمة الله وبركاته
اهلين وسهلين اختنا الغاليه العصا السحريه اللي مقيمه في يد العجوزه الشمطاء_خخخخخخ
الله يسعدك يا اختنا الحبوبه وييسر أمرك
انا شكلي دخلت متأخره لأن أقرا ردود الأخوات وردك و كأن موضوعك تقريبا منتهي
يعني كأنك اقتنعتي انك تكملين
أجل انتي الآن استشرتينا واستشرتي الأهل
إذا باقي تكثرين من الإستخاره سواء أن تكملين أو أن تتركين
وابشري بالدعوات بإذن الكريم
ولا يهمك
والله يفرج همك ويكتب لك الخيره بأمرك
سامحيني ع التأخير وتقبلي مروري

المجاهد الصغير

16/10/2007, 01:24 PM

السلام عليكم كيفكم اخواني
اختي العصا السحرية لا لا تتركي الدراسة الدراسة شيء مهم لما تتزوجين ويجيكي عيال مين بدرسهم انت صح وإذا كنتي ما فهم شيء
ولا جا وحد خطبكي يقولك وش معكي شاهد فرق لما تقولين له شهادة الثنوي وفيه فرق لما تقولينله شهاده الجامعه لما يعرف زوجك هذا الشيء بيفرح صح ولا لأ وأفرضي زوجك صار له شيء عطل عن العمل وانت كنت موضفه ان بتصيرين الي يمكن تساعدين زوجك بالعمل
والمصاريف
وجه نظري

إبداع غير

16/10/2007, 02:23 PM

هذا حال الدوافير .. http://www.m5zn.com/uploads/0bc7c3090c.gif

وخاصة من البنات والله

لكن الأولاد ما فكروا http://www.m5zn.com/uploads/0bc7c3090c.gif

لأن كل همه النوم والأكل

والــــســــــوالــــــيــــــــف :yasser-atrees (61):

دريشة المقلط

16/10/2007, 03:46 PM

انا مثلك بترك الدراسه نهائيا واناا وراي معدل تراكمي..

وانا مره جاده بقراري..

لاني مره حامت كبدي احس اني ما اتحمل اي شي ونفسيتي مره تتعب اذا جت المدرسه ودي اغيب..

بس اذا فكرت بعقلي حمدت ربي وقلت غيري يتمنى هالنعمه وربي يسهلها لي ويفرج لي..

اسخيري انتي وشوفي بس ما انصحك انك تتركينها مطلقا..

العصا السحريه

16/10/2007, 04:16 PM

جزاكم الجنه

المجاهد الصغير
يعني أنا مب جاهله أعرف أدرس زين

بس الحين بأذن الله بكمل

ألف شك رلكم جميعاً
الشاذوران
المجاهد الصغير
أبداع غير
همتارو

{ سَرَآبْ ~

16/10/2007, 04:22 PM

وااااااااااااااااااو الحمد لله يعني بتكملي
خلي املك بالله كبير
والحمد لله انك بتكملي
عقبال ماتصيري احلى دكتووورهيارب
وتدخلي القسم اللي تبيه
وتشوفي شهادتك وتتخرجي
يااااااااااااااااااااااااااااااارب
والحمد لله على القرار الزين
اختك

المجاهد الصغير

16/10/2007, 05:32 PM

شكراً على البشاره الزينه

اتمنى لك التوفيق
سندعي لكي إن شاء الله
عقبال ماتصرين دكتوره (نساء)عشان ما يجي عندك رجال
ههههههههههههههه
امزح

العصا السحريه

16/10/2007, 08:12 PM

عقبال ماتصرين دكتوره (نساء)عشان ما يجي عندك رجال << يارب

ألف شكر لكم

| قلب الريـاض |

17/10/2007, 03:52 AM

لازم تكملين الدراسة تحت أي ظرف مادمتي فاضية ومافي شي يشغلك
كلنا ملينا وودنا ناخذ فترة راحة
لكن إحتمال يجيك وقت تتمنين فيه لوكنتي خلصتي دراسة وارتحتي بدال تضييع سنة في النوم يمكن شئ يشغلك أو مناسبة تخصّك وإنتي عاد فاهمة قصدي:yasser-atrees (274)

إدرسي وخلي عنك الكسل على شان إذا جا وقت الإنشغال ماتندمين على سنين الفراغ :yasser-atrees (285)

متفائله بدربي

17/10/2007, 05:39 AM

أختي: العصا السحريه
إذا تبين نصيحتي لا تتركين الدراااسه لأن دراستك هي مستقبلك
وهي الي بتنفعك بعدين
في الدنيا والأخررره
وانا اعرف كثير يتمنوون بس ان عندهم شهااده تنفعهم
وبعدين توكلي على الله هـانت سنتييين وتخلصييين
وان شاء الله ربي يوفقك ويسهل عليك

العصا السحريه

17/10/2007, 03:44 PM

قلب الرياض

مناسبة تخصّك وإنتي عاد فاهمة قصدي<<< فاهمته ما يحتاج لها مدرس

بنت .... وطنها
خلاص أن شاء الله بكمل

ألف شكر

&& Nice Dream &&

22/10/2007, 11:32 PM

بصراحة براي الخاص والمتواضع

مافي سلاح وخاص للبنت غير علمها

ولودارت يوم عليك الدنيا ما حتلقي شي يفيدك اكثر من علمك

وكما يقال انر شمعة ولا تلعن الظلام

شكراً

][متمسكة بقيمي][

23/10/2007, 12:53 AM

وعليكم السلام ورحمة الله وبركاته

غاليتي العصا السحرية ...

لم يقصر إخواني وأخواتي في تشجيعك على مواصلة الدراسة ووضحوا الأسباب ..

ولكني أريد أن أوضح شيئاً ستفتقدينه إذا عزمت على ترك المدرسة وهو الأجر العظيم الذي سيفوتك ..

احتسبي الأجر في طلبك للعلم .. ولا تنسي الذنوب التي ستتساقط عند مصافحة زميلاتك ولا تنسي كذلك أجر الابتسامة .. وغيرها الكثير ..

اجعلي التفاؤل ملازما لك في جميع أمورك ..

وفقك الله لما يحبه ويرضاه ..

اعذريني على الإطالة ..

.. دمت في حفظ الرحمن ..

**فراشة الأحساس*

23/10/2007, 01:37 PM

اشكر كل من قام بتشجيع حبيبتي وبنت خالتي العصا السحريه على مواصلة الدراسه <<خطمه بس ميخالف بالنيابه عنه ..
بصراحه اول ماقالت لي العصا انه بتأجل سنه وبعدين بتكمل ضاق صدري وانا اللي كل يوم احسب كم بقى له وتدخل عندي بالكليه يعني اذا صرت بثالث ان شاء الله هي تدخل .. كنت انا اول معارض للفكرة وكنت خايفه تسويه لانه بيان على وجهه الجديه وهي تقولي ..كنت ادعي الله انه متسويه لانه << بتنشب بحلق خالتي >> :yasser-atrees (61):المهم ماتصدقون قد ايش استانست يوم قالت لي انه بتكمل ..اكرر شكري واعتذاري لحبيتي بالتاخر بالرد وانقطاعي عن المنتدى واللي كان بسبب DSL ..
حياتي العصا تذكرين بداية الدراسه وضيقة الصدر اللي جتن وانا قاعده بس اسبوع لانهم ما اقبلون إلا انتساب ويوم الاربعاء اللي اول اسبوع حولون انتظام وشلون راحت ضيقة الصدر وعلى فكرة تراي كنت اروح للكليه كل يوم وانا انتساب بس غبت يوم الاحد وجتن ضيقة صدر بحياتي ماجتن مثله ..
غلاي العصا ادري ان قرقي كثير بس تحملين مو انا حبيبتك وبنت خالتك الحلوة <<وحده اخذه مقلب بروحه وواثقه بزيادة >>

العصا السحريه

25/10/2007, 01:18 AM

جزاك الجنه على المشاركه

بسمات دامعة

31/10/2007, 11:46 AM

صراحة تفاجأت يوم قريت موضوعك ما توقعت ان فيه احد مثلي
انا نفس مشكلتك بالضبط وزيك متقدمه سنه وبنفس مرحلتك
وهالسنة ذي جالسة بالبيت يعني احس مافيها شيء ارتاح سنة
بعدين اكمل دراستي ان شاء الله السنة الجاية انتي شوفي القرار
اللي يريحك واتخذيه يعني نصيحتي لك اذا كنت ما اقتنعتي تكملين
ورحتي درستي دون اقتناع راح تفكرين انك تجلسين السنة اللي بعدها
وانا مجربة الشيء هذا لأني قبل سنتين فكرت ارتاح سنة لكني كملت وانا
ما اقتنعت يعني غصب علي و السنة ذي ما درست جلست في البيت
هذي وجهة نظري والله يوفقك ويسرلك الخير