(ضحايا النت )
صرنا ضحايا النت والنـت خـداع
يكسـر ذراع اللـي قـويً ذراعـه

لاني بشـاري بـه ولانـي ببيـاع
ولاني بتاجر بـه ولا لـي بضاعـه

نتبع جديد النـت مـن دون مذيـاع
وشلون لو يعلن بصـوت الاذاعـه

قوقل وشات ومنتدى وضبط الاوضاع
والبالـتـوك لا والله الا صيـاعـه

فيه البنات اهـل الـرد والتصيـاع
تكشف جسده للذيـاب المجاعـه

حـب وغـرام ودقتيـنً بالاصبـاع
وتصبح ضحيه بين لحظه وساعـه

ماسنجـر ورده وبوسـة تمـيـاع
ومن عقبه جلسه وتحـلا المياعـه

وتنشر فضايحه وشاع الخبر شـاع
وتشيب ولدانً في سـن الرضاعـه

معاد الها داعي وضاع الشرف ضاع
وتصير مثل اللي ماعنـده مناعـه

الغرب ما والله تصفط لنا الصـاع
ماتصفط الا الشين وكثر الوجاعـه

وبعض المواقع طيبه و فيه انفـاع
لا والله ال هـذي فيه طمـاعـه

عقلك دليلك والعقل بحدى الانـواع
اما غبـي ولا ملـكـع لكـاعـه

اهل العقول المستريحه بلا اوجـاع
مثل الذي يجني حصـاد الزراعـه

واهل العقول الضايعه ماله اجـراع
والله لـو زادو بكثـر الجـراعـه

صرنا ضحايا النت والنـت خـداع
يكسـر ذراع اللـي قـويً ذراعـه


تراها ملطوشه.

يقال والعهده على الرواي ..

أن القصيده للشاعر / مسفر ال عضيه الهاجري

ولكن قصيده واقعيه .. وتدل على نسبه كبيره
من حال النت .. واهله .

ولكن بالمقابل .. لا نريد أن هظم حق النت
من ناحية سهولة المعلومة .. والتعرف على عقليات البشرية
والتعرف على اشخاص .. لم يكن الإنسان يتوقع في يوم من الايام
ان يتعرف عليهم ..

فعلا ...
له فائده ... إذا استخدم في الطريق الصحيح
ويعتبر غير كذلك . إذا . سلك صاحب النت طريقاً غير ذلك

مع الف تحيه
الدهيـــــــم

صحيح قولك يا الدهيم فالإنترنت سلاح ذو حدين

الأبيات جميلة وتحمل هدف وتتحدث عن واقع

والأنترنت ماهو إلا جهاز يحمل لنا الجميل والقبيح ولنا حرية الإختيار

شاكرين لك النقل

وننتظر جديدك

صحيح النت فيه الزين والشين

لكن لكل من يحب يستفيد يبحث عن الزين

واللي يدور عن الخربطه واللي مضيعه للوقت

الله يهديه لطريق الصواب

قصيدة رائعة ياطير كاتب


بارك الله فيك