سندباد الصحراء
07/04/2005, 12:57 AM
قام جيمي من سريرة عشان يستعد لتوصيل أولاد كفيله للمدارس لكن السهر أتعبه لانه كان طول الليل يفكر في أهم قرار يمكن أن يتخذه إنسان في حياته ..
وفي فترة الانتظار المملة جداً عند باب المدرسة وبالطبع كان يقضي وقته كل يوم في السواليف مع أقرانه من السواقين لكنه هالمرة جلس في السيارة ويسمع الشريط الي أهداه اياه أحد السواقين ومع أنه سمعه عدة مرات الا أنه ما زال يعيده يمكنه ما يسمع الشريط لكنه بالتأكيد أنه مشغول بالتفكير بما فيه من دعوة الى أعظم دين يعتنقه الإنسان .. وهنا قرر جيمي أنه خلاص يبي يسلم.. بس المشكله وشلون ؟! .. جيمي ما عمره سمع بالمكاتب الدعوية ولا أحد اقترح عليه زيارة هذي المكاتب .. قطع حبل أفكاره صالح والي ضرب على قزاز السيارة .. ( أفتح يا جيمي .. أفتح .. ).. فتح جيمي الباب وشغل سيارته ومر على أخوان صالح ووداهم للبيت ..
جيمي ما يعرف شي من الاسلام الا ما سمعه من الشريط والي ذكر فيه .. ومن الاشياء الي ذكرت هي أن المسلمين يصلون كل يوم خمس مرات في المسجد .. جيمي سمع أذان العصر وكأن المؤذن يقول حي على الصلاة ويقول لجيمي حي على الاسلام ... تردد جيمي .. واقيمت الصلاة وهو ما قدر يروح لانه ما يعرف عربي زين ولا يدري وش تبي تكون ردت فعل المطوع - كما يسميه جيمي - اذا عرف انه يبي يدخل في الاسلام ..
انتبه جيمي على جماعة المسجد وهم يطلعون من المسجد ... راح للباب وكلم أول واحد قابله ( فين متوأ ) هذاك ما عطاه وجه .. سئل الثاني ..وقاله يجي الحين استنا هنا ... جلس جيمي على الدرج لانه يخاف يدخل المسجد وهو مهوب مسلم .. لكن للأسف الامام أو المتوأ خرج من باب ثاني وما درى جيمي الا وحارس المسجد يسكر الباب ...
مر الوقت .. وجيمي الا الان ينتظر المطوع يأتيه لكن الي صار شي ما كان في الحسبان .. وبدل ما يقابل جيمي مطوع الحارة اذا به يقابل أدشر واحد في الحارة .. (سالم) والي كان جاي بسيارته ويمشي وسط الحارة بسرعة جنونية مع أنه فاضي ولا عنده أي شغل .. وهذا الي خلا سالم يوقف عند جيمي يستهبل عليه .. فتح الدريشة اليمنى وأشر لجيمي .. هيه صديق هلو... قام جيمي وقرب لسالم وقال هلوا .. قال سالم : ليش قاعد هنا عند المسجد يبغا فلوس؟... رد عليه جيمي بكل براءة لا لا انا يبقى متوأ .. قال سالم : وش تبيبه .؟؟ .. قال جيمي: أنا يبقى إسلام .
رد سالم : انت تبي تسلم يعني ؟
قال جيمي : يس انا يبقى يسلم..
رد سالم بكل بساطة : قل اشهد ان لا اله الا الله وان محمد رسول الله وتسلم .. طبعا هذا الكلام صحيح والظاهر أنه هو كل ما يعرفه سالم عن الدين .. عشان كذا ما ترك فرصة لجيمي وصك الدريشة وهو يقول باي صديق سي يو .. وفحط ونطلق ..
جيمي نطق الشهادة لكنه ما اكتفى وما يتوقع أنه الان صار مسلم وجلس يتقلب في أفكاره جت صلاة المغرب والعشا لكنه ما وفق بأحد يعطيه وجه ويعلمه الدين ..
دخل صالح على السواق وهو ينادي ... جيمي .. جيمي يالله تأخرنا على المدرسة .. لكن جيمي ما رد عليه لانه ... مات ....
نعم مات وهو ما عمل من الاسلام الا أن قال أشهد أن لا اله الا الله وأن محمد رسول الله ...
سالم رجع من مدرسته ونزل من سيارته وترك كتبه في السيارة عشان يداوم بها بكرى زي العادة ..
لكن قبل لا يدخل البيت لقى زحمه عند بيت جارهم أبو صالح وطبعا هذا شي ما يفوت بالنسبة لسالم ..
سئل أقرب واحد .. وش فيه وش السالفة ؟؟؟ رد عليه : هذا سواق أبو صالح الفلبيني .. مات ..
تغيرت ملامح سالم وارتعد وهو يتذكر الموقف الي صار معه أمس .. وراح للإمام والي كان أبو صالح يسأله وش نسوي الحين بالميت .. وين يغسل فيه ووين يدفن لانه كافر والكافر ما يدخل مقابر المسلمين .. وقبل لا يتصل الامام على أحد المشايخ يستشيره في الأمر قاطعه سالم وقاله : يامطوع ..لحظه شوي
رد الامام : نعم ياسالم ..؟ قال سالم : هذا مهوب كافر ..
سكت الجميع واستمعوا لسالم وحواره مع الامام وشلون يقول أنه مسلم والجميع يعرف انه نصارني ..
قال سالم : انا لقيته أمس على عتبت المسجد وقال لي أبي أسلم وقلت له قل لا اله الا الله واشهد أن محمد رسول الله ..
رد الامام بحماس : وقالها ياسالم !!؟
قال سالم : ايه قالها وانا سمعته ..
كبر الامام وقال بارك الله فيك ياسالم الرجال أسلم على يدك ونجاه الله من النار على يدك .. يالله ياجماعة غسلوا أخوكم وخلونا ندفنه في مقابر المسلمين ...
النهاية ( يالله حسن الخاتمه )
وفي فترة الانتظار المملة جداً عند باب المدرسة وبالطبع كان يقضي وقته كل يوم في السواليف مع أقرانه من السواقين لكنه هالمرة جلس في السيارة ويسمع الشريط الي أهداه اياه أحد السواقين ومع أنه سمعه عدة مرات الا أنه ما زال يعيده يمكنه ما يسمع الشريط لكنه بالتأكيد أنه مشغول بالتفكير بما فيه من دعوة الى أعظم دين يعتنقه الإنسان .. وهنا قرر جيمي أنه خلاص يبي يسلم.. بس المشكله وشلون ؟! .. جيمي ما عمره سمع بالمكاتب الدعوية ولا أحد اقترح عليه زيارة هذي المكاتب .. قطع حبل أفكاره صالح والي ضرب على قزاز السيارة .. ( أفتح يا جيمي .. أفتح .. ).. فتح جيمي الباب وشغل سيارته ومر على أخوان صالح ووداهم للبيت ..
جيمي ما يعرف شي من الاسلام الا ما سمعه من الشريط والي ذكر فيه .. ومن الاشياء الي ذكرت هي أن المسلمين يصلون كل يوم خمس مرات في المسجد .. جيمي سمع أذان العصر وكأن المؤذن يقول حي على الصلاة ويقول لجيمي حي على الاسلام ... تردد جيمي .. واقيمت الصلاة وهو ما قدر يروح لانه ما يعرف عربي زين ولا يدري وش تبي تكون ردت فعل المطوع - كما يسميه جيمي - اذا عرف انه يبي يدخل في الاسلام ..
انتبه جيمي على جماعة المسجد وهم يطلعون من المسجد ... راح للباب وكلم أول واحد قابله ( فين متوأ ) هذاك ما عطاه وجه .. سئل الثاني ..وقاله يجي الحين استنا هنا ... جلس جيمي على الدرج لانه يخاف يدخل المسجد وهو مهوب مسلم .. لكن للأسف الامام أو المتوأ خرج من باب ثاني وما درى جيمي الا وحارس المسجد يسكر الباب ...
مر الوقت .. وجيمي الا الان ينتظر المطوع يأتيه لكن الي صار شي ما كان في الحسبان .. وبدل ما يقابل جيمي مطوع الحارة اذا به يقابل أدشر واحد في الحارة .. (سالم) والي كان جاي بسيارته ويمشي وسط الحارة بسرعة جنونية مع أنه فاضي ولا عنده أي شغل .. وهذا الي خلا سالم يوقف عند جيمي يستهبل عليه .. فتح الدريشة اليمنى وأشر لجيمي .. هيه صديق هلو... قام جيمي وقرب لسالم وقال هلوا .. قال سالم : ليش قاعد هنا عند المسجد يبغا فلوس؟... رد عليه جيمي بكل براءة لا لا انا يبقى متوأ .. قال سالم : وش تبيبه .؟؟ .. قال جيمي: أنا يبقى إسلام .
رد سالم : انت تبي تسلم يعني ؟
قال جيمي : يس انا يبقى يسلم..
رد سالم بكل بساطة : قل اشهد ان لا اله الا الله وان محمد رسول الله وتسلم .. طبعا هذا الكلام صحيح والظاهر أنه هو كل ما يعرفه سالم عن الدين .. عشان كذا ما ترك فرصة لجيمي وصك الدريشة وهو يقول باي صديق سي يو .. وفحط ونطلق ..
جيمي نطق الشهادة لكنه ما اكتفى وما يتوقع أنه الان صار مسلم وجلس يتقلب في أفكاره جت صلاة المغرب والعشا لكنه ما وفق بأحد يعطيه وجه ويعلمه الدين ..
دخل صالح على السواق وهو ينادي ... جيمي .. جيمي يالله تأخرنا على المدرسة .. لكن جيمي ما رد عليه لانه ... مات ....
نعم مات وهو ما عمل من الاسلام الا أن قال أشهد أن لا اله الا الله وأن محمد رسول الله ...
سالم رجع من مدرسته ونزل من سيارته وترك كتبه في السيارة عشان يداوم بها بكرى زي العادة ..
لكن قبل لا يدخل البيت لقى زحمه عند بيت جارهم أبو صالح وطبعا هذا شي ما يفوت بالنسبة لسالم ..
سئل أقرب واحد .. وش فيه وش السالفة ؟؟؟ رد عليه : هذا سواق أبو صالح الفلبيني .. مات ..
تغيرت ملامح سالم وارتعد وهو يتذكر الموقف الي صار معه أمس .. وراح للإمام والي كان أبو صالح يسأله وش نسوي الحين بالميت .. وين يغسل فيه ووين يدفن لانه كافر والكافر ما يدخل مقابر المسلمين .. وقبل لا يتصل الامام على أحد المشايخ يستشيره في الأمر قاطعه سالم وقاله : يامطوع ..لحظه شوي
رد الامام : نعم ياسالم ..؟ قال سالم : هذا مهوب كافر ..
سكت الجميع واستمعوا لسالم وحواره مع الامام وشلون يقول أنه مسلم والجميع يعرف انه نصارني ..
قال سالم : انا لقيته أمس على عتبت المسجد وقال لي أبي أسلم وقلت له قل لا اله الا الله واشهد أن محمد رسول الله ..
رد الامام بحماس : وقالها ياسالم !!؟
قال سالم : ايه قالها وانا سمعته ..
كبر الامام وقال بارك الله فيك ياسالم الرجال أسلم على يدك ونجاه الله من النار على يدك .. يالله ياجماعة غسلوا أخوكم وخلونا ندفنه في مقابر المسلمين ...
النهاية ( يالله حسن الخاتمه )