السلام عليكم ورحمة الله وبركاته


كيف الحـال اخواني \ اخواتي ؟ !


انا عندي رخصة قيادة من 7 شهور او اكثر تقريبا بس ما احب اطلع وايد احب اجلس في البيت لاني تعقدت من كم سنه صار معي حادث

بس اذا سقت وخرجت اسوق واسرع عادي .. بس مابحب اطلع وخاصة في ايام الويكند احب اجلس في البيت

وفي داخلي ابي اطلع اروح اتمشى بس معرف شو الي مقيدني .. واذا احد قالي ودني المكان الفلاني او ييبني المكان الفلاني اقولهم ماقدر او احس اني تعب بس ادور عذر لجل ما اطلع واسوق

ماعرف ليش لهدرجه اني ماحب اسوق وايد .. الود ودي اطلع واتمشى وخاصه باليل صحيح نظري ضعيف شوية بس مو لدرجه بس اسوق واروح واجي واحيانا اييني هاجوس اني ماعرف اسوق باليل او ماعرف كيف اقول لكم


بس خاطري اروح اتمشى واروح كل مكان بس فيني شي مكبوت ومقيدني وحبيت استشيركم وساعدوني

الكثير يقولي لما اسوق استانس اما انا احس في شي مكبوت فيني
الله يوفقني ويوفقكم جميعا يارب

حياكم الله

/

أخونا أنت تعاني من مشكلة سابقة حددتها أنت !

وإذا عرف السبب بطل العجب ّ
والجميل أنك تعرف الآن السبب .... وهو بسبب الحادث السابق لكم ..

/

تحتاج إلى قوة إرادة وتشجيع من نفسك أكثر من غيرك ..

انت ولله الحمد إنسان طبيعي ولم يحصل لك خلل أو أمر جراء الحادث قد عطلك لاسمح الله !

ثم إذا خرجت
حاول أن تخرج ومعك بصحبتك أحد لاتخرج ماأمكن وحدك هذا بداية ثم ستعتاد الأمر بإذن الله ..

هذا ماعندي الآن ..

/

وفقتم وسدد الله للخير خطاكم ..