السلام عليكم أخوتي في الله

انا بفضل الهام ربنا ليا

الحمد لله عملت جمعية جديدة من نوعها

مش عشان أتجوز و لا عشان أجيب شقة و لا عشان أجيب عربية

عملت جمعيه عشان أعمل حاجه لربنا

لما أقابله مايبقاش وشي في الأرض و بيقى نفسي الأرض تنشق و تبلعني

لما يسألني عن أصحابي و قرايبي و جيراني

اللي كانوا بعاد عن ربنا

ليه ماحولتش أخد بإيدهم ذي ما ربنا أخد بإيدي

ليه كان دايما صاحب الباطل عنده الجرأة والشجاعه انع يعمل الياطل و المعصيه و هو فرحان

و الناس بتهلل له

ليه صوت الحق دايما و اطي يا جماعة؟؟؟؟؟؟

ليه بنتكسف ناخد بإيد بعض

طبعاَ مش كلنا

لكن كلنا مقصرين

و مفيش حد راضي عن نفسه

الجمعية بأختصار

ان كل أسبوع بجمع من أصحابي و جيراني جنيه واحد بس

الجنيه دلوقتي مابعملش أي حاجه

و بجمع الفلوس و بجيب بيهم مطويات و كتيبات و بنوزعها على بعضنا أو على أصحاب لينا أو قرايبنا

تخيل اللي هيساعد على نشر ده

ممكن تصلح واحد بحاجه صغيرة أوي

ممكن يقلع عن معصيه

ممكن تضيفله فكرة جديدة

ماتتخيلوش انا ايمانياتي زادت أزاي بعد الجمعيه الأخروية دي

حسيت اني بقرب من ربنا

و باخد بإيد اللي حواليا

و بعمل حاجه أقابل بيها ربنا

نفسي يا جماعة كلنا نعمل الجمعيه دي

و الله الذي لا اله الا هو ثوابها كبير أوي عند ربنا

انا أسف اني طولت عليكوا

و يا ريت لو حد عنده فكرة أحسن من كده يقولنا عليها عشان الافادة

و جزاكم الله كل خير

ابن القيم