مشاهدة نسخة كاملة : تدرون وش كاتبين عنكن ياسعودياااات !!؟؟
الحياة الجديدة
27/06/2005, 04:15 AM
تدرون شنو كاتبين عنكم يا بنات السعوديه ؟؟؟؟؟؟؟؟؟؟؟؟
السلام أول الكلام
تصدقون يا بنات السعوديه اني فرحانه لما من قريت هالكلام
قلت لازم انقله لكم ................
واصحيكم من النوم بالعسل
وانتم يا غافلين لكم الله............
وكان ودي أشوف وجهكم وأنتم تقرون يا حراااااااااااااام
بس لا تنصدمون وتفهموني غلط بس أنتم رفيجاتي واحبكم ومااقدر اشوفهم يتكلمون عليكم واسكت........
هاكم المفيد ولكم التعليق...............
بنت القصيم مثل النسيم***** فيها الدلع شي عظيــم
بنت الخــبر مثل الزهر ***** يا محلا بسمة هالثغـــر
بنت الجبيل ضبي اصيـل***** عيونها تشفي العليـــل
بنت الحسا نجمة مسـا***** من شافها اسمه نسـا
بنت الهفوف احلى الطيوف****من عقبها ما اقوى اشوف
بنت الحــزام ريح الخزام***** تطلق من العين السهام
بنت ابهــا حلوة نبها***** من شافها غصب حبهـا
بنت حايل غصن مايل ***** جامعه لكل الخصايــل
بنت الظهران عشق ولهان***** لاهي بأنسيه ولا جان
بنت الحفر سن وخصـر***** والشعر متعه للنظـــر
بنت العيون خضر المزون****سنونها عقد مكنــــــون
بنت جـــده رقــه وحده ***** اذا ناظرت الشامخ تهده
بنت المدينه خفيفة الطينه****حبوبه وحلوه حنونه وزينه
بنت القطيف ..يالطيف **** حلى وجمال وقدٍ رهيف
بنت مكه حب وبركه **** نعومه وجمال وخفة حركه
بنت الدمام والله تمام **** خفه ودلع ومشية حمام
منقوووووووووووووول
ها شرايكم ؟؟؟؟؟؟؟؟؟؟؟؟؟؟؟؟؟؟؟
ادري ودكم ..................................... تشكروني ههههههههههههههههههه :ac8:
يله كل وحده تشكرن بلهجة منطقتها ..
بسمة أمل
27/06/2005, 10:30 AM
شكرا لج اختي << بالإماراتي ..
كه كه كه رزة بس الصراحه روووووعه
يعطيج العافيــة :ac8:
الحياة الجديدة
27/06/2005, 04:59 PM
الله يعافيك يابسمة أمل
شفتي كيف حنا يالسعوديات
والله ماعندي شي بالإماراتي
وإلا كان أكتبه خصوصي لك
جزيت خير على مرورك وتعليقك
عاشقة الفردوس
27/06/2005, 07:04 PM
السلام عليكم ورحمة الله وبركاته
طيحتي قلبي برجلي
لكن لما قرايته كله طلع قلبي مكانه
كلمات رائعه وأحنا نستاهل :p
شكر لكي من أعماق أعماق قلبي
ودمتم سالمين
أم أسامه
28/06/2005, 12:35 AM
بصراحه مثل ماقالت طيحتي قلبي
كنت ناويه ادخل وناويه الشر له
بس الحمد لله
مشكوره على نقلك
وشكر خاص للي كتب عن بنات السعوديه
والله يعطيك العافيه
الحياة الجديدة
28/06/2005, 01:04 AM
السلام عليكم ورحمة الله وبركاته
الأخت عاشقة الفردوس : هههههههههه حلو المقلب يله تعيشي وتاخذي غيره وعلى العموم إستانستي أكيد يوم قريتيها
جزيت خير على مرورك وتعليقك ..
الأخت أم أسامة : تبين الصدق لما دخلت على الموضوع لأول مرة في أحد المنتديات كنت داخلة وناوية الشر بس يله جت سليمه ولله الحمد ..
جزيت خير على مرورك وتعليقك ..
أخواتي جميعاً سلامة قلوبكن
دمتن بأحسن حال
{ ذات الشّمَم }
28/06/2005, 11:43 AM
شحاااالكم ؟
الحمدلله انا كنت احس عمري رزه بس زيين حد ويايه (بسمة امل) انا وياج , انا من ابوظبي دار الظبي انتي من وين ؟ ;)
وفديتكم يا بنات السعوديه نحبكم واااااايد خصوصاً بنات الدمــــــــــــــــــــــــــــــــــــــــــــام !!! :p
وسلام :ac8:
بسمة أمل
28/06/2005, 11:52 AM
يا هلااااا والله
انا خيمااويه والنعمــ.. :D
وداعا
29/06/2005, 12:02 AM
بنت القصيم مثل النسيم***** فيها الدلع شي عظيــم
احم احم وخروا شوي
بتدلع عليكم شوي
مشكوووووووووووووورة
موضوعك جدا روعة
الحياة الجديدة
29/06/2005, 12:28 AM
أختي من أبو ظبي حياااك الله وبقولك مثل ما قلت لبسمة أمل والله لو عندي أي حاجة كان كتبتها بس لا تخااافييين
جاااااااااااااااااااري البحث
وبسمة أمل : حياك الله إنت وأهل الخيمة كلهم
وعاد يالقصيمية لك شي ثاني : أنا بعد قصيمية بس إنت من وييين؟؟
شفتي كيف المدح يكون أخاف إنك رحتي بها ههههههههه
جزيتن خير جميعا على مرووووووركن وتعليقاتكن
دمتن بأحسن حاااااااال
وهج القصيم
29/06/2005, 02:25 AM
بنت القصيم مثل النسيم***** فيها الدلع شي عظيــم
:)
يسلمووووووو عزيزتي على الموضوع الرايق
.
الحياة الجديدة
29/06/2005, 04:29 AM
هلا بوهج القصيم
موضوع راايق عشانه يمدحك إنت وأهل القصيم===== صح
يله نستاهل حنا أهل القصيم
جزيت خير على مرورك
ودمت بصحة
{ ذات الشّمَم }
29/06/2005, 11:11 AM
بسمة امل : يا هلا فيييج ,, بسألج !!! البيت المهجور (العووووود) وين عنكم ؟! تولهت عليه واااايد :confused:
واختي الحياة الجديده : الله يحييج والله انج ما تقصريييين وتسلميين :D
بسمة أمل
29/06/2005, 11:39 AM
أي بيت مهجور.؟
اول مرة أسمع عنه.؟
<< شكلنا بنخرب الموضوع :D
شحالج أختي الحياة الجديده.؟
الله يحييييييييييييج :rolleyes:
سلامـــــ :ac8:
{ ذات الشّمَم }
29/06/2005, 11:55 AM
بيت حد من الشيوخ اظن !!!
في الخران وين نقا صفصوف هو قصر ويجنن شكله بس فيه جنون ومحد يقدر يسكن فيه وحطوه مره في mbc ومجلة كل الاسره وفي الايميلات غريبه انج ما تعرفينه !!
دخلناه مره الساعه 2 في الليل لييين الساعه 5 الفجر :confused:
وناااااسه ... سألي عنه وردي عليه :rolleyes:
بسمة أمل
29/06/2005, 11:59 AM
اييييييييييييه
عرفته
يسلم عليج :D
وماشاء الله يييتي وما قلتي لي :eek:
أفا بس أفا :cool:
سلامــــــ
من بوظبي الله يعينا من الحياة جان ما طردتنا :D
{ ذات الشّمَم }
29/06/2005, 12:08 PM
فديتج يالحياه استحملينا شوي ...
وبالنسبه عن الييه نحن في كل اجازة ربيع نيي الخران ونخيم هناك نتم اسبوع ونرجع من زمااااان ونحن ع هالحاله ومن الخاطر نتريا شهر 1 عشان نيكم ان شاء الله هالسنه بمر عليج ;)
بس اول شي لازم نزور البيت المهجور .. ما تتخيلين كيف نتوله عليه (اخاف مسويلنا شي) نسير عنده في الليل ونبند الليتات ونتأمله نتريا يطلعلنا شي بس من نرجع الخيم يبهدلونا الجلاب :mad:
وآآســـــفــــه يا الحياه :ac8:
بسمة أمل
29/06/2005, 12:26 PM
ههههه
حليلج
لا ان شاء الله مب مسويين لكم شئ بس اصلا رأس الخيمه حلللوة يمكن هالسبب ;)
يلا عاد اترياااااااج :D
من اتييون قولي لي
عششان افرش لج الوورود وأبخر وأخبر شرطه رأس الخيمه عسب تستقبلكم :p
لا بس جد يوم اتيين قولي لي عشان نتلاقى انا وانتي و ان شاء الله ودرتنا :cool:
سلامـ
{ ذات الشّمَم }
29/06/2005, 12:40 PM
خلاص ان شاء الله :D
بسمة أمل
29/06/2005, 12:42 PM
مشكورة يا الحيااة واسمحي لناا :D
<< تو الناس
سلامــ :ac8:
رياض الوفى
29/06/2005, 06:45 PM
كل المسلمااااااااااااااااااااااااااااااااات مو بس السعوديات يستاهلون أكثر وبنت أبو ظبي على راسهم
{ ذات الشّمَم }
29/06/2005, 07:09 PM
تسلمييييين يا رياض الوفى :D :D
الحياة الجديدة
30/06/2005, 04:07 AM
أختاي ( من أبو ظبي، بسمة أمل ) خوذن رااحتكن
البيت بيتكن === أقصد الموضوع موضوعكن
وأختي يارياض الوفى كلامك على عيني وراااسي
جزيتن خير على المروووور والتعليقات
دمتن بخيير
ابتسام
02/07/2005, 07:20 PM
السلام عليكم ورحمة الله وبركاته
كيف حالكم ؟؟ ايش قاعدين تسووا ؟؟
يلا وخروا شوية .. مكاوية جات .. في كمان مكاويات ولا ؟؟
مكاوية بس عايشة برة السعودية :ac9:
بنت مكه حب وبركه **** نعومه وجمال وخفة حركه
جزاك الله خيرا يااختنا الحياة الجديدة .. على الموضوع ..
معليش جيتلك متاخرة ..
احبكم في الله يااخواتي
ودمتم سالمين .. ويسلام على البشكة ..
يلا السلام عليكم
^ ـ ^
الحياة الجديدة
03/07/2005, 12:51 AM
حبييبتي ابتسام عااادي أهم شيء وصلت لنا
هههههههه
جزيت خير على المرور
ودمت بعافية
دلع القصيم
06/07/2005, 08:50 AM
يسلموووووووووووووو
صدق من قاله
بنت القصيم مثل النسيم 000فيها الدلع شي عظيم
وانا اشهد ددددددددددددددددد
تسلمين حياة
الحياة الجديدة
06/07/2005, 09:48 AM
أووووه
بنت القصيم مثل النسيم 000فيها الدلع شي عظيم
وافقت اسمك دلع القصيم
ههههه
حلوه الصدفة صح
جزيت خير على هذا المرور المبارك والتعليق
ودمت بخير
وردة أمل
06/07/2005, 09:58 PM
http://www.ashog.com/images/flower80.gif
تستاهلووون يا بنات السعووديه
ويزااج الله خير اختي الحياة الجديدة ع الموضوع
ونتريا الخاص بنا نحن بنات الامارات
وتسلميييييييييين
اختج:
وردة أمل
http://www.ashog.com/images/flower80.gif
الحياة الجديدة
07/07/2005, 09:32 AM
والله دورت وما لقيت ترضون إني أألف لكن يله أهم شيء طالع من القلب
انتظري تأليف القصيدة
شكرا لمرورك الرااائع
وتعليقك الجميل
دمت لي
وردة أمل
07/07/2005, 02:43 PM
حلاته وهو طالع من القلب
نتريا
بس عاد لا تبطيين علينا
السلام عليكم ...
يا شيخة حرام عليك فجعتيني .. كنت حابكي
حلو كتير
تسلمي يا عسل :)
الحياة الجديدة
09/07/2005, 01:54 PM
ههههههه
والله حلوه المقاااااالب
شكرا لمرورك الرائع وتعليقك المضحك .. والله تخيلت منظرك وأنت تقرييين
دمت بتقوى الله
أرجوان
09/07/2005, 02:20 PM
حاجة حلوة
طيب الكلام اللي كتبتيه
قوليلنا لهجتك أيش تكون ؟
الحياة الجديدة
09/07/2005, 02:51 PM
أي لهجة حبيبتي اللي قبل الأبيات أتوقع إنها لهجة إماراتيه ...
والله ما أدري أنا نقلته للمنتدى وبس ..
وأنا حبيبتي سعودية بحته وإذا تبغين أقولك من وين حااااضر
شكرا حبيبتي على مرورك وتعليقك
حفظك الله ورعاك
دمت بتقوى الله وطااعته
احم احم والنعم
تسلمين على الموضوع
يااابعد عمري القصمان كللللهم
الحياة الجديدة
12/07/2005, 10:21 AM
والله إنك صادقة ليش أنت قصيمية
شكرا لمرورك وتعليقك الأروع من راااائع ( لأنه مدح للقصمان )
دمت بود
احم احم نعم انا قصيمية والنعم
أنت شكلتس قصيمية
الحياة الجديدة
12/07/2005, 01:45 PM
أختي نجمة أنا الحياة الجديدة مو قصيمية
ههههههههههههه
أمزح أنا قصيمية أبا عن جد
إذا ما يضايقك تخبريني من وين بالضبط بالقصيم
فقط للتعارف
شكرا لك