بسم الله الرحمن الرحيم
السلام عليكم ورحمة الله وبركاته
الكتاب واضح من عنوانه

يعني حنا ياثالث ثانوي

وش سوينا للقياس و التحصيلي

إستعدادنا
صعوباتنا
معلوماتنا


كل شيء كل شيء كل شيء
عنه يكون هنا



يارب ألقى تفاعل



حتى اللي جربوا وتجاوزوا هذي العقبه حلو إنهم يفيدونا

ومشكووووووورين مقدماً

أن شاء الله يلقى تفاعل ^,^

وفق الله الجميع (=

لو كان لي علم كان أفدتكم ~()

أمين الله يجزاك خير

ان شاءالله يتفاااعلون

لاني مادري شي عنه

لأني صغيرونه بثاني ان شاءالله السنه الجايه افيدك ذذ

الله يوفقكـ خيتوووو

والله غآليتي أنآ ثآلث ,,
أمس اختبرت قدرآت ,, والله ولي التوفيق ..
دعوآتكم ,,

عذبة الإحساس & الحافظه للقرآن مشكورين

الشغله لا يحتاج لها مذاكره او تجهيز

اسم الإختبار " القدرات العامة " بمعنى آخر .. قدراتك ايها الطالب العامة التي حصلت عليها من خلال دراستك الـ 12 سنه ^^

القدرات العامة اسهل بكثيييير من التحصيلي .. لأن القدرات العامة انت كسبتها من خلال تقريبا 12 سنه كامله

اما التحصيلي فهو يعتمد على سنتين او بالأصح ثلاثه سنين مضت .. فـ بالكاد تحصل وقت تجمع فيه معلوماتك او تستذكرها .. ( اسبوع ما يكفي .. لكن الذكي الي يستغلها في لحظات ^^ )

واغلب الطلبه تحصلهم يجيبون درجات من 50 - 70 %

بالنسبة جبت في القدرات زمان 71 %
والتحصيلي خربت ابوه وجبت 61 %

وفوق كل هذا انقبلت في إحدى الكليات والحمد لله .. والآن ادرس بدون اي مشاكل



* لكن للعلم .. على قد ما تعطي .. على قد ما تاخذ :radjap:

ايضا الوالدين لهم فيتامين " و " في التوفيق :radbiggrin:

واحد من الشباب يقولي .. واقسم بالله يا .. اني ما فتحت الكتاب وكنت واثق ثقه عمياء اني راح اجيب العيد ( كان آخر سنه وآخر فرصه له )

يقول والله هذاك اليوم يوم الإختبار .. صليت الفجر .. جيت للوالده جهزت لها الفطور .. وجيت وطلبتها تدعيلي بالتوفيق

يقول في الاختبار والله من عندي احط اجابات .. الحرف الي يعجبني احطه من راسي ..

يقول والله جبت 81 %

كيف ما ادري هههه

صراحة هذا انسان خراافي كيف قدر يجيب هالدرجة وهو ما ذاكر ولا تجهز ومستواه الدراسي متدنى جدا



بالتوفيق يا شنبات ^^

الحمد لله عديناها على خير

أنا اختبرت بثالث واختبار واحد فقط
ولأني أدبي
مشت أموري تمام في الجزء التحصيلي وأغلب أسألته كانت من منهج ثالث وشوي من أول وثاني
لكن في باب الرياضيات والهندسة والسوالف هاذي
حطيت اختيارات من مزاجي لأني الصراحة حتى جدول الضرب قربت أنساه

لكن الحمد لله القدرات ما أنقصت نسبتي إلا بدرجتين فقط
ودخلت الجامعة بلا وساطات من أحد . .

وأوصي اللي عنهم اختبارات يتوكلون على الله لأن هذا اختبار ما يتذاكر له
فلا تحرقون أنفسكم على الفاضي
أيضاً الكتب التدريبية مفيدة جداً جداً وكثير من أسألتها ممكن يجي
ومعظمها منقول في المنتديات التعليمية
أهم شي الواحد يروح وهو نايم مبكر
ومستعد ومرتب أفكاره وينتبه زين للوقت لأن الأسئلة موزعة على زمن معين ..


الله يوفق أهل الثانوي جميعاً ..

(http://vb.albashiri.net/member.php?u=7316) Shadow & قلب الرياض
مشكووورين
خيتو قلب الرياض ممكن أعرف المواقع اللي فيها هالأشياء؟

حبايبي

بعلمكم باللي اعرفه بما اني مريت بمرحلتكم ولا احد علمنا >> وش عنده الشايب

القدرات والتحصيلي مثل ما قال :: Shadow ::

صراحة كفى ووفى بيض الله وجهه


القدرات اهم شي درجتك فوق الـ70 والتحصيلي اتوقع كذلك

انا اختبرت الاربع اختبارات والحمد لله أعلى درجة 80% والتحصيلي دمار شامل 64% والثنوي 81% طلعت النسبة بعد الحسابات والخربطة 74% - الله ييسر لكم احبتي

وواحد من حبايبي جاب ف الثنوي 92% والقياس اقل من 65% والتحصيلي نفس الفكرة اقل من 65% ونسبته الاخيرة 73%

شفتوا الفرق بيننا وحنا الان في قسم واحد بالجامعة والحمد لله يعني اهم شي القياس والتحصيلي

بالنسبة للتحصيلي ازيد هو حصيلة للأول والثاني والثالث ثانوي في المواد العلمية مثل الكيمياء والفيزياء والاحياء والرياضيات وايضا قسم خاص للغة الانجليزية

يعني مثلا يقول وحدة الطول وعندك اربع اختيارات وهكذا

اما الكتب هناك كتب متعددة في هذا المجااآآآاال

تحصلونه في مكتبة جرير والعبيكان والحقو لاننا ذيك الايام جلست انا حول 3 ايام ادور الكتاب العبيكان يقولون ما عندنا في اي فرع وغير هالكلام


كتب عن الاختبارات واسئلة تجريبية وهكذا

اتمنى اني افدتكم رغم الاطالة المملة حقيقة فلم استطع الاختصار لان مابه وقت


بالتوفيق يا حبايبي وشدوو حيلكم والطريق قدامكم واعتذر عن الاطالة للمرة الثانية


محبكم

أختي درة ,, أدخلي موقع قيآس
تلآقي فيه أسئلة تدريبية عن اختبآر القدرآت ..
بالتوفيق يآرب ..
http://vb.albashiri.net/images/smilies/2/yasser-atrees%20(251).gif