NadeeeM
24/06/2005, 03:30 PM
السلام عليكم
كيف حالكم يالربع
عساكم طيبين
صبوا القهوة
وينك ياشيخ خيشان
ارحبوا ارحبوا
اقول ياجماعة الخير وياشباب قبيلة منتدانا
حبيت أحط هالموضوع ونسولف مع بعض
يعني
اللي عنده سالفة حلوة وزينة يقولها
اللي طلع كشته يقول كيف كشتته
مواقف طرائف
حلو الجو شوي
طيب
فهمتوني
ول اشرح على السبورة
وأنا إن شاء الله بقول لكم سالفتي (( وراء جبل أبو غنيمة ))
ترقبوها
ولاتبخلون علينا يالله ياحبايب
الرسام
24/06/2005, 03:56 PM
وعليكم السلام
مرحباً بك يا أخ العرب
هونت عليك قليلا واقعد وسيأتيك الخير
موضوع رائع
اكتب بعد قليل
الرسام
25/06/2005, 08:56 AM
السلام عليكم
نبدأ بسواليفنا
.
.
.
.
دقيقة بتذكر سالفة (-=
.
.
.
في أحد الأيام يوم كنت طالب في الثانوية <<<<<<<< :p ما امداه .. توه في الثانوية قبل اسبوع
وكانت حصة رياضيات وكنا على نهاية الفصل الثاني والمدرس يشرح وخلص الشرح بسرعة وبدأ يكتب تمارين
وبدأت أنا وصديقي اللي معي نسولف وخلنا في الشعر
فقال: ابو نواس كان يكتب الخمريات وهي قصائد في مدح الخمر ، وتاب بعدها وقال:
تعاظمني ذنبي فلما قرنته *** بعفوك ربي كان عفوك أعظما
فرديت عليه وقلت أن هذا البيت للإمام الشافعي ، وتكملته
تعاظمني ذنبي فلما قرنته *** بعفوك ربي كان عفوك أعظما
فما زلت ذا عفوٍ عن الذنب لم تزل *** تجود وتعفو منة وتكرما
فأخذنا مدة واحنا نتناقش واشتد النقاش :mad: <<<<<<<< يا خطيييييييييير :p
فانتبه لنا المدرس و وجه لي سؤال وقال: يا (( الرسام)) وش الجواب ؟؟؟
فقلت له بكل ثقة : بيننا تحدي يا استاذ.. هو يقول ان البيت ************** قاله أبو نواس وأنا اقول انه الإمام الشافعي.
فضحك الاستاذ وأنا احس انه لو ما تمالك نفسه كان رفع علينا أي طاولة و....... :ac6:
ولكنه قال: وين قاعدين ... شايفينا قاعدين في سوق عكاظ
طبعاً هذا عندما تكالك نفسه
ولله الحمد تخرجت من الثانوية العامة بدرجة عالية .......... وبصير بإذن الله (( طالب جامعي )) (-:
NadeeeM
25/06/2005, 12:04 PM
حلوة حلوة
ليتني أنا المدرس كان اخذت الطاولة وعليكم اثنينكم
ومبروك على التخرج
ووين بالشريعة أحسن
يعطيك العافية
الحسام
25/06/2005, 01:27 PM
هههههههههههههه
حلوة الرسام بس من جد منه طلع صاحب البيت الشعر :o
انا اظن المتنبي :D
الرسام
25/06/2005, 03:57 PM
صاحب البيت هو الإمام الشافعي
والدليل هي دواوينه
شوفوها وتعرفون مين فاز
العنيد
25/06/2005, 04:31 PM
مستانس يا (( الرسام )) .. صرت طالب جامعي قال .. لاحق وأنا أخوك على عوار الراس <<<< --- أمزح ترى الجامعة زينة .. بس صحيح .. وين ناوي إن شاء الله ..؟؟؟؟
الرسام
25/06/2005, 04:46 PM
العنيد
مين قال اني مستانس؟؟؟؟
لكن مستانس بصراحة إني بصير طالب جامعي
لكن وين .... الله أعلم
العنيد
25/06/2005, 04:48 PM
الله يكتب لك إللي فيه خير وصالح ..
بوفهد
26/06/2005, 12:05 AM
موضوع رائع اخي نديم الروح
ولنا عودة
NadeeeM
26/06/2005, 02:44 AM
ننتظر يابوفهد
خلنا نشوفك
وشكلك راعي وناسة ياأخوي الحبيب بوفهد
يعطيك العافية
بوفهد
30/06/2005, 01:44 AM
أبشر اخوي نديم الروح ولاتشيل هم
بوفهد
30/06/2005, 01:53 AM
كنت في يوم من الأيام..(آهات ياشباب) وانا ماخذ السيارة قالي ابوي حمها عشان نروح المسجد وقلت له ابشر ولايصير خاطرك الا طيب...واروح احميها وعلى اني بحميها على قولته...الا واحميها شويه وخذ لك كم لفة وكم دورة كل هذا احميها..المهم..وكان معي بالسيارة ولد خالتي وكنت أسولف معه وانا امشي بالسياره..وقرب وقت طلعة ابوي عشان بيروح المسجد...واروح بوقفها في نفس المحل..(شوف الخدع)عشان مايشك.. :) وانا بوقفها واسولف ع ولد خالتي الا.....................................:7
7
7
7
7
وش صار؟؟
7
تحمستوا صح....
7
والا امشي شوي واشوف السيارة رجعت بقوة ورا وش صار ........
اثاري صقعت بحفة درجة الجيران......ام النكبات ام الورطات...
وش اسوي ...؟؟
انزل واشوف الكفر مفشوووووووووش......وهقة والله...
واروح اسرع واحط المفتاح محله..في البيت.. :)
وادخل بيت اهلي(جدي) واكلم امي تليفون اقولها قولي لأبوي ان الكفر انتقب علي...
مادري قالت له او لا...
ويطلع ويشوف الكفر.....ياساتر
والحمدلله شفته وكان مروق ألف...
ولا رحت معه المسجد.... رحت سجد ثاني
انتهت القصة...
اتمنى عجبتكم...........
أخوكم ومحبكمـ:بوفهـــد
المتواضع
08/02/2008, 09:19 PM
تسلملي يا الرسام على الموقف لاكن بغيت اسال من إلي فاز:yasser-atrees (61)::yasser-atrees (61)::yasser-atrees (61):
طير السعد
08/02/2008, 10:42 PM
رفـــع موآضيـــع قديـــمة .!
المتواضع
09/02/2008, 12:11 AM
يا شباب عندي موقف مرررررررره تضحكون عليه
يوم كنت سادس ابتدائي اخر يوم من الاختبارات قايم الصبح بنشاط و حيويه وانتم عرفين إذا كان اخر يوم من الدراسه
قالي ابوي تعرف تشغل السياره سياره ددسن قلتله اكيد هذي لعبتي(طبعا توني شريلي ابوي سيكل ولا اعرف العب زين)
وسياره داخل البيت(بلحوش) وكان ابوي قاعد ومعطي السياره جنبه اليسار عطاني ابوي المفتاح واخذته بكل الثقه
وافتح الباب السياره و الركب علشان اشغلها (طبعا السياره معشقه والجلنط ماهو مسحوب )
ما ادري عن عمري إلا خام التركسون نزلت قلب عند رجوالي من الخوف رحت المدرسه وختبرت وأصدقاي يسالوني وش فيك متغير
كذا وانا انواع التسليكات رجعت البيت من الخوف نمت ما دريت عن عمري إلا من بكرا قمت وابوي قاعد يضحك كان ما حصل شي
رحت جلسة وانا وجهي طماطه امي وابوي متوقعين اني بارسب خاصة المادة الي اخر يوم(يوم الصدمه) وسبحان الله تطلع التنائج
واشوف إلا افضل درجه ماخذها
وش رايكم ياشباب إن شاء تعجبكم و تضحكم