السلام عليكم رحمة الله وبركاتهـ

أولا أحب أعرفكم بنفسي

أنا إسمي بلسم وعمري 14 سنة

ومشكلتي إنو أنا عندي مرض التأتأة والتلعثم في االكلام والصعوبة في النطق ونفسي قصير

من يوم وانا في الابتدائي وبسبب هالمرض كرهت نفسي وكرهت حياتي

وصرت ماحب اخرج الا في النادر وما اتكلم الا اذا احد فتح سالفة معاي واتكلم بصعوبة

وصارو كلهم يقولولي ليش انتي انطوائية مع انهم يعرفوا بمرضي

وانا الحمدلله راضية بس احيانا تجيني الكآبة وانا سويت بحث في هاذي الامراض

وسمعت الدكتور يقول انو هاذي الامراض تجيب الحزن والكآبة احيانا ومني عارفة شسوي نفسي

اخرج واتكلم بطلاقة واتعرف على البنات بس هذا نصيبي وياليت تساعدوني لاني جد مررة حزينة

واتمنى انكم تساعدوني في تخطي هذا الشي ادعولي ولجميع المسلمين لاتنسونا بدعائكم

وآرائكم اللي تفيدني في حياتي ولكم مني الف الف شكر .

* بلسم جروحي *

:

وعليكم السلام ورحمة الله وبركاته ~

لابأس عليكِ غاليتي ~

مشكلتك لا تسبب الأحراج لان في ناس أكبر منك يعانون نفس مشكلتك ومتزوجين وعندهم عيال وعايشين حياتهم طبيعي ~

شوفي غاليتي ..
عليك بالتدرب .. في النطق .. حاولي تقرين الكتب والجرايد بصوت عالي .. ومع الوقت تختلص المشكلهـ تدريجياً ..

طبعاً غاليتي في حالات يبي لها دكتور .. بس هذه نادرهـ جداً.. مشكلتك ما يبي لها دكتور .. لان الناس من حولك يقولون لكِ ليش انتي أنطوائيه معناته مشكلتك موكبيره كما تتصورينها ..لان الناس يشوفونها عاديهـ ..

وهي فعلا عاديهـ ..

بس يبي لكِ ثقه بالنفس و التدرب ..
ادعي ربك وقولي كما قال موسى عليه السلام
(قَالَ رَبِّ اشْرَحْ لِي صَدْرِي (25) وَيَسِّرْ لِي أَمْرِي( 26) وَاحْلُلْ عُقْدَةً مِّن لِّسَانِي( 27 )يَفْقَهُوا قَوْلِي))

وانتي ياقلبي بعدك صغيرهـ تقدرين تتخلصين من هالمشكلهـ


الله يوفقك يارب ~

يعطيكي الف عافية حبيبتي على كلامك ريحني كثير

ان شاء الله بجرب اللي قولتيلي عليه

الله يوفقك يارب ..

غاليتي لازم تقرين الجرايد والكتب وماشبه لي ذلك بصوت عالي

أختي...
أولا ...مصراحتك لنا بالمشكله....هي جزءا من حلها.....
ثانيا..يجب عليك اليقين التام...أن التأتأه...لاتأثر على شخصيتك..
فأنتي لديك نعم كثيره جدا....

أحمدي الله عليها...


ولابد من وجود...سلبيات في كل إنسان..


أختي..
عليك للإكثار من القرأءة...بصوت عالي...
وأيضا الإكثار من قراءه القران..وارقيه الشرعيه...
أقول لك..

أدهني لسانك بزيت زيتون...مقري فيه....في اليوم من 3 ألى 2مره...


وشئ مهم..
والله إني أعرف وحده فيها تأتأه..وقالوا لها علاجك عند طيب نفسي..
فألله يخليك..لاااااااااااااااااااااااااااازم تروحين لطبيب نفسي...

أو تتواصين مع اي دكتور نفسي عن طريق الهاتف إذا كنت ماتقديرن على المواجهه...


لكن أرجوك
لاتهملين نفسك أبدا...
فعلاجها بسيط..ولكن يحتاج إلى جد و متابعه...
لاتهملي نفسك...


ولايضيق صدرك من التأتاه..
فكلنا لدينا سلبيات...ولكن ثفي ثقه تامه أن لديك الكثير والكثير من اللإيجابيات....





وإذا كنتي تريدين اي شئ وخجلانه من الناس تواصلي معي عن طريق الخاص..
والأخوات هينا مايقصرون معك أبدا..
راح يساعدونك..

لي عوده ان شاءالله ..

الله يشفيك يارب

ياقلبي مشكلتك مو صععبة مرة بإذن الله تقدري تتغلبي عليها

لايهمك احد انتي إبدئي بنفسك لازم تكوني واثقه من نفسك عشان تقدري تتنتجي وتتكلمي ^^

ياما ناس ماعندهم التاتاة مايعرفوا يتكلموا وانطوائيين ..!!!

فلازم تختلطي بغيرك حاولي تعبري بتعبيرات وجهك إذ ماتقدري تتكلمي على طول تكون الصورة وصلت ..

لازم تقوي نفسك وبرمجي عقلك الباطني انك تقدري تتغلبي عليها وراح تقدري اعطي نفسك دافع وإنك قدها ..

ارسلي لنفسك رسائل إيجابيه .:yasser-atrees (253) .

اقرئي كثيييييير بصوت عالي حتى لو بالبدايه تعبتي ومليتي لكن وآصلي ولايهمك احد :yasser-atrees (82):..

وإذ على الحزن والكأبه حاولي تصـّـبري نفسك والحمدالله انتي احسسسن من غيرك غيرك ابكم واصم مايسمع

ولايتكلم احمدي ربك ياختي على نعمه ..

والناس لايهمونك وإذ على الاحراج عادي موقف يمر والسلام ..

ماحبيت ادخل بدون رد :$

بلسوومه ليش كل هاا الانطوائيه والحزن الحل سهل جداً

اول شي احيي فيك شجاعتك انك ذكرتي مرضك البعض مايحب يعترف انه مريض اصلاً

بس حبيت اعلق على انك تقولين ليش يسئلونك لانهم نفسهم مايشوفون النطق يهمهم كثر مايهمهم جوهرك ولو

مايحبوك ماسئلوك . الحل سهل دايم حاولي بالبيت اقري جرايد بصوت عالي اقري قصص لخوانك الصغار لو كان عندك

خوان صغار =) وحلو لو تكون من عقلك عشن تسترسلين بلقصه وتشوفين قدرتك اكثر بتتحسن وكثير اقري قران

لان مفردات القران شوي يبي لها نطق سليم ولسان فصيح اذكر عندنا بالفصل بنت مثل كذا بس والله ماشاء الله عليها

تحاول تحااول اليييين تحسن نقطقها كثيير كثيير ولو تشوفينها تسوولف وتضحك وعادي مو حاطه ببالها ها الشي

ومطنشته ومو حاطه له اهتمام كبيير وانا بحثت لك عن علاج ودورت ولقيت انوا لازم تعودين تتكلمين كثيير وتسرعين

بالحديث بالتدرج ولاتحطمين نفسك يعني اليوم حاولتي ماقدرتي بكره تقدرين ماقدرتي اليوم الي بعده بالبدايه

كرري حرف مثلا ت - ت- ت- وبسرعه وبشكل اسرررع بعدين خذي كلمه مثل ماء - ماء -ماء ماء- بعدين كلمه قصير

مثل ماء صافي - ماء صافي- ماء صافي- بعديين اطول مثل انا ااشرب مويه بارده -انا ااشرب مويه بارده - انا اشرب

مويه بارده وحاولي الكلمه الاولى بسرعه الثانيه اسرع الثالثه اسررع وحاولي ماتركزين في الحرف الي تنطقينهاو

تشدين عليه بزياده عشن ماتتوتر اعصاابك وتخطئين ولا تضغين على نفسك كثيير وخلي عندك امل وعتقاد واصرار انك

في يووم بتتكلمين بطلاقققه ميه بالمييه واتمنا لك التوفيق وتصيرين افصح بنت بالدونيا كووليها مو عيب ترى التلعثم

عادي واكبر دليل نبي الله موسى عليه السلام =) بالتوفيق بلسمينه

الفاضلة بلسم .... لا أود أنك كتبت هذه المقالة لتوضحي لنا

أنها مشكلة ....!!

كيف تكون مثل هذه الامور مشاكل وأمراض إلا إذا قلنا عنها

انها مرض ومشكلة .... وعندي قناعة تامة من خلال كلامك ان

التأتأة عند كل صغير ... غير أنك كبرت ولا زالت التأتأة موجودة

فأول الخطوات أيها الفاضلة أن تزيلي مفوه ( مشكلة ) ( عندي

مرض ) حتى يكون الامر صغير في نفسك وتتهيئين للتغلب عليه


ثانيا : ومن واقع تجربة ... أنا مشرف في حلقات قرآن في أحد

المساجد لسنوات مضت ... ومثل هذا الأمر قد مر بي على طلاب

في الصف الاول والثاني الثانوي .. ولا احس انه مشكل بل المشكلة

أن نصعب الأمر ونقول عنه مشكلة ...

أذكر من الأمثلة إثنين من الطلاب في الصف الثاني الثانوي .. الطالب

الأول كان يحفظ وإذا أتى إلي ليسمع القرآن يبدأ بالتأتأة ويختنق عند

بعض الحروف مثل الهمزة وغيرها ... إلى درجة اني في بعض الاحيان

أرد عليه ظنا مني أنه نسي فأتفاجأ بقوله : لا ترد علي تراني حافظها

لكنها عيت تطلع >>> بالعامية ..

والاخر أجلس معه على تسميع الوجه الواحد ما يكفي لتسميع شخصين

بدون مبالغة من شدة التأتأة ...

لكني اتخذت معهم طريقة شعروا بعدها بتحسن كبير رغم اني لا اعرف

علم النفس وليست لدي حصيلة منه ... فقمت مجتهدا لأوجههم بالخطوات :


1 : اسمعني جيدا ... إذا جيت تسمع ... لا تجي إلا إذا كنت حافظ

الوجه زي اسمك ... ( حتى بتبين الخطأ من التأتأة )

2 : أريدك مشكورا إذا بدأت بالقراءة أن تقرأ بأبطأ قراءة تستطيعها

مع الحرص على النطث الصحيح لمخارج الحروف والتجويد ...

3 : وبكل خشونة وقسوة على الطالب قلت له : ( إذا سمعت منك كلمة

لا أستطيع ... ما أقدر ... عجزت .... حاولت ... يا ويلك ويلاه ..!! لأنـ هذي

الكلمات أول طريق الفشل وعدم تخطي التأتأة ... فالله الله بتعزيز الثقة

بالنفس ... قل أستطيع .. سأحاول جاهدا ... انا قوي ... أنا شجاع ... أنا

عندي المقدرة على التلاوة الصحيحة ...













بعد هذه الخطوات والحرص عليها ... تحسنت الحالة بكثير وكثير وشعروا بالفرق








تجربة خضتها ... علها يكون لها نصيب من الانتفاع بها

أعانك الله ويسر لك أمورك ...

عدت كما وعدتك حبوبتي مع اني ماشاءالله شايفه كلام الاعضاء تقريباً نفس الكلام اللي كنت هقوله .. بس عشان أوفي بوعدي :)

بس احب اضيف :

انا تقريباً زي حالتك .. في الأول كنت فاكره الموضوع مرض عضوي .. بعد تكرار كلمة بابا ليا ودكاترتي والناس اللي عايشين معايا " على طول كانوا يقولوا لي اتكلمي بالراحه لو اتكلمتي بالراحه الكلام هيتفهم .. ماكنتش متخيله ان فعلا الموضوع بالسهوله دي .. بس لقيت الكل بيقول لي كده .. ففعلا بدأت اجرب وبجديه .. لقيت عمي بيقول لي انتي اخر مره ماكنتيش كده انتي عملتي ايه قلت له اتكلمت بالراحه مش اكتر قال لي ممتاااااز شفتي ؟؟ بس طبعا كتير بنسى واتكلم بسرعه برضو

المهم حبوبتي انتي اول شي تنسي زي ما قالوا انك في مشكله اصلا واذا بتتحرجي من الناس حاولي ماتبصلهمش وانتي بتتكلمي لحد ما الخجل يروح


ثانياً : لازم تروحي لطبيب تخاطب عشان تطمني انه مش عضوي فعلا ولو عضوي ان شاءالله تلاقي عنده العلاج

وعادي ماتخافيش هو بيعمل تدليكات للرقبه والزور وبيخليكي ترددي كلمات اللي فيها الحروف اللي صعبه النطق عندك .. انا واظبت معاه بس حسيت لما انقطعت رجعت تاني بس هو قال لنا خلاص انا شغلت لها عضلات الرقبه كلها الحمدلله:( بس الحمدلله ان ربنا هداني لفكرة الكلام ببطء

ثالثاً : طول ماانتي قاعده دلكي رقبتك وعضلات فكك اللي هي خدك تقريباً

رابعاً : حاولي تقللي من المأكولات الحاره والمياه الغازيه والمواد الحافظه وجميع الاملاح .. وكتري من الخس .. وكتري من شرب الميه

خامساً : حاولي تعملي لك ورد يومي بالآيه دي " رب اشرح لي صدري ويسر لي أمري واحلل عقدة من لساني يفقهوا قولي "

وطبعاً قبل كل ده والاساس قراءة القرآن بصوت عالي .. وحاولي تنشدي طول ماانتي قاعده :)

بتلاقي نطقك غيييييييير ولا في أي صعوبه ولا تأتأه .. وده اللي بيحصل لي لما بنشد او اقرا قرآن ولا في اي صعوبه .. انا بستغرب

بس عالاقل عشان ترفعي من روحك المعنويه وتحسي انك نجحتي في توصيل حاجه بصوتك بدون صعوبه :)

وطبعا الدعااااء في اوقات الاستجابه والصدقه

اسفه طولت عليكي

دعواتك الله يشفي لي نطقي تمااااااماً لاني بقعد افكر في مستقبلي ...... الله يستر

بس متوكله على ربنا

بالتوفيق :)

أنا متيقنه أن ستعودين لنا بأخبار ساره في نطقك ( =

وفي تطور حالتك للأفضل لأني أثق بك وأعترف أن ردود الأعضاء والعضوات
ستساعدك ( =

بارك الله فيك
قلبي معك ودعواتي لك

أظن مالى كلام بعد ماأجادوا الاخواة ...لكن أهم شي الثقه والتوكل على الله وتحاولى ولاتعتبريها مشكله ابدا"
وبالتوفيق والله يسر لك

وينك يا أختنا...

كلنا نبغى نسمع عنك أخر الأخبار...

بلسمينااا بلسوومه وينك فيه اخباارك ايش صار معك؟؟!

السلام عليكم ورحمة الله الله وبركاتهـ

ماشاء الله ماقصرتو وماخليتو شي لأحد

كيفكم وحشتوني انا بخيير والحمدلله

اول شي لمن دخلت تفاجأت بالردود

الصراحة وقتها حسييت اني بااايخة وماعندي سالفة

الحمدلله على كل حال وعلى قولتك يا bant-alrashed في اللي اخس مني بكثييير

احب اشكرك على ردك ياقلبي جزاك الله خيرا

بس انا كنت على غفلة وانا صحيتوني منها

احب اشكر كل عضو/ة شرف برده الآكثر من رائع

واحب اقولك يا أخ عبد الرحمن المقيط اني ادرس في التحفيظ

ونفس الشي اختنق وماعرف انطق بعض الحروف مثل الهمزة والفاء وغيره

والآستاذة الفاضلة تردني تحسبني نسييت ولا شي

لكن انا حافظة ومراجعة تمااام بس انا اسكت ماقولها

بس شوف سبحان الله لمن اقرا بتجويد وترتيل مرررررررررة ما تجيني التأتاة وقتها سبحان الله

طبعا انا ماحب امدح نفسي بس الصراحة صوتي حلو ماشاء الله

احب انشد في التحفييظ دايما بس ان شاء الله بعد كذا اقرا القران وانا قلبي مطمن

وبترتيل وبتجويد وحاخذ بنصيحتك وجزاك الله الف خير

انا ماحب اخص احد فيكم واخير احب اشكر اللي وقفو معاي وساعدوني بردودهم

صح انهم ماكانو معي جمبي لكن كانو معي بقلوبهم :

Bant-alrashed

ريري

الحسناء

أسماء امير

الم دنياي

احلى روح

عبد الرحمن المقيط

شيخ المجد

الحس الحالم

طبعا مو بالترتيب ولاحد يزعل كلكم ساعدتوني

وطبعا الحين الحمدلله انا بخيير وكل شي تماام عندي

جزاكم الله الف الف خيير

وعسى ربي مايحرمني منكم ومن سائر المسلميين

اختكم : بلسم .