klee_mzaya
03/07/2006, 04:30 PM
بسم الله الرحمن الرحيم
السلام عليكم ورحمة الله وبركاته
اريد حل لصديقاتي
المشكلة انهم يستمعون للاغاني كثير و انا كم مرة حذرتهم و ذكرتهم بعذاب الله لاكن دون فائدة
يتركون الاغاني كم يوم و يرجعون يسمعونها
شو الحل و الصراحة انا خايفة عليهم من عذاب الله ؟؟؟؟؟
همتي لأمتي
03/07/2006, 08:08 PM
الحل انك تجبين شريط مؤثر مثلا للشيخ عبدالمحسن الاحمد فأشرطته تاب عليها الكثير وتشغلينه لهم في السياره عندك في المنزل ..أو تشيلنهم لمحاظره نسائيه..تحاولين معم بجميع الوسائل ونوح دعا قومه ألف سنه الاخمسين عام ..فأستمري معهم والله الموفق..جزيت خير على حرصك على هدايه الغير
klee_mzaya
04/07/2006, 02:27 PM
بارك الله فيك اخي الكريم
و انشاء الله بستمع لنصيحتك مشكور :)
قطرات الندى
04/07/2006, 11:11 PM
يعطيج العافيه وجعله الله في ميزان حسناتج ان شاء الله دام انج تحبين الخير لصديقاتج
وذكريهم بعذاب الله
سلامي
عيناويه بكيفي
23/11/2006, 03:12 PM
عندي لج حل بس هالحل يباله تنفيذ قليل ولكن مستـمــر
أولا يبدأون (ربيعاتج) مثلا كل يوم متعودين يسمعون 10أغاني
قوليلهم يسمعون مثلا 9
واليوم اللي بعده أقل
وجي وعلى الاقل يستمرون اربعين يوم لان اي شي يستمر الواحد عليه تقريبا اربعين يوم يصبح عنده عاده
لكن اذا بدو مرة وحدة نفس ما قلتي بيستمرون يوم او يومين وبيردون عى حالتهم
وبعد نفس ما قالوا الاخوات عطيهم مثل هدايا وياها شريط واكتبيلهم ان لازم يسمعونه
وبس وان شاء الله الله يهديهم
نجمة الفجر $
24/11/2006, 02:25 AM
وعليكم السلام ورحمة الله
ماشاء الله
الله يثيبك على حبك
وحرصك على صديقاتك
ودام ان هناك عزم ونيه ان شاء الله سيكون هناك تغيير
الحمد لله على أن في باقي ناس يحبون الدعوه وودهم بالنصره الله ينصرك
والبنات سبحان الله مايسوون الشي الا لازم يقتعون به
ومع المؤثرات هذي لا بد لك من الشد والاجتهاد في الدعاء
لأن الدعاء سلاح نتسلح به عزيزتي
وأحيانا الوعظ المباشر مايجيب نتيجه
وان جاب نتيجه فماراح تستمر
التدرج حلو في كلش
انتي حاولي تجريهم شوي شوي
في اثناء كلامك خلي فيه تسبيح واستغفار
باين انو انتِ اللي ملتزمه في الشله
عشان كذا
جربي مره
قولي لوحده منهم ابيك تسمعين علي جزء عمَّ
ثم قولي يووووووووووو
ابي احد يشجعني وودي بك تشجعيني على الحفظ ونسوي تسميع اسبوعي للصفحه الوحده
يمكن توافق
وبكذا تدرجي مع الباقس وقولي شو رايكم
ومع مرور الأيام ان شاء الله يحسون باللذه ويستمرون كلهم
ولا تقولين حنا لازم................. وانتوا راح تحفظون معي
الإنسان بطبعه
مايحب احد يفرض رايه يحب انه يستشار ويؤخذ برأيه
وان شاء الله افدتك
وهذا دلوي ادليت به
أختك
نجـــــــــــــ الفجر ـــــــــــــــمة $