السلام عليكم ورحمة الله

ياخواتي باختصار بديت افقد علاقاتي الاجتماعية :yasser-atrees (285)

كنت أيام الثانوي اجتماعية دايم مكالمات ورسايل مع صديقاتي

وبالجامعة علاقاتي بداية ماكنت احب اكون أي علاقة نهائي لاني مريت بفترة تعبت نفسيتي:yasser-atrees (88):

وعدت ذيك الفترة على خير ورجعت لطبيعتي أسولف مع البنات وأسلم عليهم

بس مابيننا تواصل الابالجامعة بس .. ماكلم احد بالجوال الا اختي وصديقتي المقربة

جوالي ماعاد يدق ولاحد يرسل الا اذا بنات الجامعة احتاجوا شي .. جد مليت الوضع

كل وقتي على النت ..

مدري ليش حتى اذا سولفت مع البنات بالجامعة احس اني على اعصابي وسوالفي احسها

تقضي مع اني ولله الحمد محبوبة من الناس بس فقدت التواصل معهم قليل ماأطلع طبعا هذا

بسبب قيود أسرية .. كل مامليت قالوا اطلعي لاستراحة استراحات الجماعة وأنا هناك صراحة

أطفشش مو معقول البنات يجتمعون بس عشان يطالعون بعض لاسوالف ولاضحك بس قز

بالعيون وكل وحده مع أختها ولابنت عمها وأنا مامعي أحد لا أخت ولا بنات عم

حتى الزواجات كرهت أروح لاني اجلس لحالي وامي الله يطول لي بعمره ماتسولف معي ..

بديت افقد التواصل الاجتماعي :yasser-atrees (79): حتى اذا كلمني احد ارحب فيه بقوة

واسولف بعدين أطفي ليش مدري؟! احيان احس اني على أعصابي اذا سولفت مع أحد أبي أخلص بسرعة ليش مدري تعبت ورب البيت ؟؟

مدري تقضي سوالفي بسرعة من قل ما أطلع ولا لاني مالقيت بمجتمع الاسرة القريبين
مني من يفهمني كثير؟؟

تصدقون حتى باختبار الشخصية هل انت منفتح ولا منطوي

ماقد أصنف نفسي فيني صفات المنفتح أكثر لكن واقعي غير يابنات ممكن مساعدة من الاخصائيات ؟؟

كيف أرجع لنفسي وعلاقاتي؟؟؟؟

هلا والله وغلا ..


حبوبه حتى يكمل ردي .. ودي تعلميني وش سبب بعدك عن البنات أنتي قلتي أن نفسيتك تعبت بعد الثانوي


هل هو بسبب صدمة من شخص عزيز وإلا كيف ..؟








وهل لك أخوات أم لا ؟


بإنتـــــظارك

هلا بالاخصائية

عندي اخت وحده وتزوجت أول ماخلصت الثانوية

أما تعب نفسيتي كنت كنت في سابق عهدي حساااسة بزود

لما تغير كل شي حولي دارستي تغيرت و البنات اللي كانوا سنين معي ماصرت اشوفهم

اختي تزوجت كله صار بظرف سنه ودراسة القسم فيها صعوبة وماتحملت.

واضيفي على ذالك هبال المراهقة قال أيش مابي أحد ياخذ مكان صديقاتي ..

(الحين كبرت وفهمت الدنيا صح .. وصرت مستحيل أتعلق بانسان حيل) الصداقة الحقيقية تبقى مهما افترقوا
الصديقات؟؟
يعني ضريبة المشاعر المرهفه = اللي انا فيه الحين شبه انطوائية .

وكانت اختي تمثل لي الام والصديقة وكل شي حلو كنا نسولف بالساعات

كان وجودها يملى علي أيامي ,, (دمعت عيوني )

مع اني احب الناس كثير وأسعد اذا جات وحده من زميلاتي تشكي لي ولا تطلب مني خدمة.

بس اتوقع اكبر قيود وصلتني للانطوائية قيود الاسرة - ممنوع تطلعين لصديقاتك - صعبة تطلعين للملاهي

خذي امك- امي ماتحب مثل هالاماكن ومايطاوعني قلبي اخذها معي واتركها تجلس بروحها وانا انبسط مع

صديقاتي واذا قلتي خليها تجلس مع اهل صديقاتك امي ماتحب تختلط بناس ماتعرفهم .. عشان كذا اتنازل عن

حضور اي مناسبة اجتماعية تخص صديقاتي آخرتها الاسبوع الماضي حفلة تخرج وحده من البنات ودي اروح

وبنفس الوقت مابي عشان امي وعشان اني تعوودت على الانطواء صرت احس بصعوبه لو اطلع .. والله ياهاجر تعبت .
حتى أقرب صديقاتي مافي زيارات بس الصديقة اللي من العايلة ومن حسن حظي تزوجت وراحت بمنطقة ثانية الله يستر عليها.

هاجر انا اعرف فن التعامل مع الناس والحمد لله من فضل ربي علي وأتقن مهارات التعامل معهم

بس المشكلة تعودت اني ماأطلع تعودت اني ماسولف كثير مع اني واثقة بنفسي
والفضل لربي .

اتوقع لان المجتمع الاسري اللي حولي مافي توافق بيني وبينهم

كل اغلب كلامهم عرس فلانه طلاق علانه المسلسل الفلاني قالت فلانه تهاوشت علانه

أنا مو هذا جوي أبد ماحب أشغل نفسي بالناس أحب أقرأ كتب أحب العلم , أحب اضحك واطلع

حتى اذا قلت بكمل دراسات عليا قالوا

وش تبين بالغثا ارتحي ..ولو قلت بطلع لو لمنتزه لو بر مالقيت من يسمع لي

مايعترفون اهلي الا بالصداقات اللي من الجماعة , وانا كل صداقاتي خارج الجماعة,
دايم اكرر لهم ان الخير بكل الناس موجود بس وصلت لدرجه تأقلمت يمكن الحين لو يسمحون لي ازور صديقاتي اقول لا خلاص. وهذا اللي مجنني ماعاد عندي رغبة .

الله يعينك طولت حكي استلمت الكيبورد

هلا بك عزيزتي واضح عليك أنك انسانه مثقفه وواعيه


يكفي أسمك ^_^

الصداقة صحيح هي شي أساسي بحياتنا بس أحيان مثل هالظروف تغصبنا على أمور كثيرة


وأكيد أهلنا ما يمنعونا إلا لمصلحه لنــا ..


بس الإنسان بإمكانه يخلق جو حلو بالبيت ..



إذا جت اختك مثلا تزوركم ليش ما تسوين جو حلوو بالبيت


تطبعين لهم مثلا مسابقة ورقيه من النت - تحكي لهم قصص - تجارب الناس في الحياة

تطبخين لهم طبخه جديدة


يعني يكون جوكم حلوو وفيه روح التغيير



أخوانك لو تقنعيهم بطلعه أسرية لـ حديقه عامه و حاولي معهم بأسلوب لطيف

ومن باب تغيير الجو لكم ولهم بعد

صديقاتك في الجامعة لابد يكون بينهم الطيبة والمهتمة واللي تسأل عنك دايم


بادليها المشاعر وحاولي تفهمينهم بشكل صحيح وبعدها ممكن تحكمين أنها تستحق انك تقوين علاقتك بها أو لا


بما أنك تدخلين منتديات أحرصي على نشر المواضيع الهادفة والمفيدة ..


ومثل منتدانا بإذن الله بتلقين خير صحبة لك


درب حواء .. ينتظر أطباقك

نبض القلم .. يبتهج لهطول حروفك

درب الصوتيات فيه الكثير من المقاطع الصوتيه والمرئية المميزة

درب تطوير الذات (دربي الحبيب) بتلقين بإذن الله كثير من التدريبات المميزة واللي تقويك أكثر وتبصرك في الحياة



وبقية الدروب أنتِ اكتشفيها


وكتجربة شخصية


رفيق الدرب أن عز الرفيق ^__^


أهم نقطة لا تستلمين لمثل هذه الأفكار السلبية .. لو أنك فعلا انطوائيه كان ما قدرتي تتكلمين وبكل شفافية الأفكار السلبية اللي نمر بها بحياتنا


أحس بمثابة الذبابه ما تخليك تعيشين حياتك بشكل حلو .. وحتى لو كانت في إمكانية للتعديل مثل هالأفكار تعكر عليك يومك وتحسسك أنك مو قادره على تعديل وضعك





::
بشريني عن جديدك حبوبه وعقبال ما تكونين عضوة مميزة بيننا

ماراح ازيد شي
بس حاولي تروحين مركز التحفيظ
وهناك راح نتبسطين ان شاء الله
لاتقولين انطوائيه وماقدر اروح

الاخصائية هاجر يعطيك العافية ويجزاك الجنة انت والمشتاقة للحرم

ان شاء الله ما استلم للذبابة (الفكرة السلبية أعجبني التشبية).

اما عن المنتديات الحمدلله لي مشاركات أقدر اقول انها هادفة وبإذن الله

اكون عضوة ايجابية بينكم.

دمتم بود.

ولاأنسى اشكرك شكر جزيل على سرعة الرد.

ولووو ^_^


موجودين لمساعدتكم حبوبه

اختي إيجابيه اسمك عجبني وايد =)


بإذن الله مدام عندك عزيمه واصرار راح تتغيري :yasser-atrees (253) ..


حآولي تكسبي امك اكثر حاولي تكوني معها صاحبيها اكثر يمكن تقدري توصليلها الي تبين

بدون تعب او ملل وتقدري تفهميها كل شي يخصك اقربها عن خرجه صديقاتك بس ياقلبي

يبغالك طوله بال لاتتعودي ع الجلوس لوحدك او كلمه إنطوائيه لاتكثري منها >_< هآذي تزيدك

إحباط وتحبطك اكثر ..!!

حآولي تتعايش مع واقعك لا تكوني انتي لحالك بالبيت ادخلي مع اخواانك كثير بالسواليف

بالمزح وبكل شي تقدر عليه ..

حآولي تكوني إيجابيه حتى لو بالنت حتى لو بإبتسامتك إفعالك بالجامعه ادخلي مشاريع مع

بنات المصلى او القسم حقك منها تغيير ومنها زيادهـ ثقافه وزيادهـ الفه بينك وبين البنآت ..


ربمآ تكون لي عودهـ ..~


ماحبيت اخرج بدون رد ^^

ربي يسعدك ويوفقك لكل خير =)

اختك في الله ~

غاليتي فاقده خالي ربي يسعدك
على الرد الحلو ويارب يجبر قلبك ولاتفقدين لك غالي.

جد احسنس انجذبت للدرب على ان عندي كومة منتديات
بس بكون متواجده.

تسلمون لي حبوبات

^_^ بإنتظارك ابداعاتك دوماً

غاليتي فاقده خالي ربي يسعدك
على الرد الحلو ويارب يجبر قلبك ولاتفقدين لك غالي.

جد احسنس انجذبت للدرب على ان عندي كومة منتديات
بس بكون متواجده.

تسلمون لي حبوبات


آمييييييييييين وإيااااااااك ^^

يسلمك ربي :yasser-atrees (341)

بإنتظار اخبارك الحلوة =)