السلام عليكم ورحمة الله وبركاته



جاية اليوم أبغى أستشيركم في مشكلة ....بصراحة أنا تعبت من هالمشكلة

ومسببة لي قلق فضيييييع تعبت بصراحة ...وأعاني من عدم تركيز وتشتت في

أفكاري ونومي صااااااااير

عذااااااب بمعنى الكلمة ..وش المشكلة ؟!؟



المشكلة مثل ماهو في العنوان كييييييييف أساعد ...أمي ..


أمي نفسيتها جدًا تعبانة ..وأنا تعبت من تعبها

أول شي لسه تعبانة من فرااااااق جدي الله يرحمة ..ثاني شي ضغوط خارجية

هالضغوط أكبر مني ومنها ..يعني مو من البيت عشان نحاول نحلها ..لا


مسألة تعبها من فرااق جدي الله يرحمة ..هذا ما نقدر نلومها علية والله يلوم إلي يلومها

وكيف نلومها وهي كانت أقرب شخص له... سنوات مرضة كانت معه وقريبه منه

وزاد قربها منه في الفترة الأخيرة لأنه كان يحتاج عناية كبيرة

عملت هذا كلة وهي ماتبغى لا جزاء ولا شكر من أحد ...تبغى الجزاء من رب العباد


في الفترة الأخيرة بعد ما أشتد عليه المرض الله يرحمة ..كانت ما تأكل حتى هو يأكل ...كانت ماتنام حتى هو ينام


وتطمن عليه ...لدرجة حتى الصلاة ما كانت تصليها إلا في وقت متأخر ..مثلا الظهر ما تصلية إلا


الساعة 2:30 أو3 _ والعصر ماتصلية ؟إلا الساعة 5 ....مو إهمال لا والله ...لأنها ما كانت تقدر تخلية


وهي مو بنته الوحيده يعني كان المفروض فيه من يساعدها ...لكن....!!


وعلى هذا كلة تسمع كلام يسم البدن ...ومعاملة سيئة جدًا


رح أذكر لكم مثال :

قبل وفاته الله يرحمة بعشر أيام تقريبًا أو أقل ...راحت مشوار ضروري وياليته لها مصلحة في هالمشوار

إلا المصلحة لغيرها ..المهم غابت تقريبًا 3 ساعات {وهذي أطول فترة ممكن تترك جدي فيها}

جو البيت وسألو عنها وما كان ناقص إلا يقلبو البيت على روسنا

تخيلو كان جدي الله يرحمة في الغرفة ينادي عليهم وهم تاركينه وجالسين يسولفون

ولا أحد كلف على نفسه وسأل عنه

جلس يبكي ...ويقول أدري إني تعبتكم إن شاء الله أموت وترتاحون مني :az9::az9:

ياااااااااالله ...بالله هذي قلوب ..وش هالقسوة إلي فيهم


يتقطع قلبي عليها لما تنام وهي جالسة معانا وفي نص الإزعاج ...كله هذا من التعب :az9:

يتقطع قلبي لما تفز من نص نومها إذا دقو عليها :az9:

يتقطع قلبي لما تنزل دمعتها من قهرها منهم ومعاملتهم لها :az9:

صرت ما أشوفها كثير بالبيت ..كنت لما أصحى من النوم عشان أصلي

وألاقيها في وقت غير وقتها ..ما أتركها ..شفتو الطفل إلي عمره سنتين !!


إلي يادوب متعلم الكلام كيف يكون كلامة وأسألتة كثيرة ؟

هذي أنا صرت مثل خيالها أكون داخلة خارجة معها ما أخليها تسوي شغلها

من كثر كلامي وأسألتي...

كانت لما تقول أبغى أروح أشوف بيتي وأولادي ...يردو عليها أولادك كبار

مايحتاج... معتمدين على أنفسهم وما عندهم مدارس!!

.....

ولما توفي الكل بكي من بكاها عليه ..

وعلى هذا شالت العزاء كلها على راسها ..

تكفلت بكل شي وقامت فيه ..وهي في عز حزنها

تسأل عن الصغير قبل الكبير ..من أكل!!.. من ما أكل.!!.. من نام.!! من ما نام !!

قلنا يمكن ألحين تخف المسؤوليه عليها ...لكن بالعكس زاااااااااادت وبقوة

أقتقدنا وجودها ...وزااادت المعاملة السيئه لها

والله ما يرحموها ..

يوميًا ينكدون عليها عيشتها ومو مخلينها في حالها ...وحتى نفسها يحسبونه عليها

صرت ما أطيقهم ولا حتى أسمع سيرتهم ..

رح تقولون حرام وصلة الرحم ..بس من إلي يعملوه في أمي ما أطيقهم


صرت خايفه عليها..لأن أحس صحتها في النازل.. تعاني من صداع دايم وبعض الأعراض

كأنها أعراض ضغط ...الله لا يقولها ...

صارت لما يجي وقت النوم تقول أحس بخوف غريييييييب ..ونومها صار متقطع ..حتى قيلولتها صارت كوابيس


هاليومين أنا وأخواني نحاول نطلعها تغير جو بس ما في فايده رافضه

ونحاول فيها تروح عمرة عشان ترتاح ..هي تتمنى تروح بس شايلة هم فلان وفلان


وهذااا كله مسببلي قلق عليها وخوف مو طبيعي ..صرت ماأنام مثل العالم.. وصرت أعصب لما أشوفها بهالحال

أو لما أعرف أنهم سولها شي ..هي مشكلتها ماتحب تغلط على أحد ..وأي شخص من برا العايلة يكن لها

كل تقدير وإحترام ..لكن إلي داخل ...!!!

عفت كل شي حولي بسبب حالتها ..ما أبغى شي إلا أشوفها مرتاحه

فأرجوكم شورو علي وش أسوي ..والله تعبت من تعبها وذبحني التفكير

أعذروني على الأسلوب الركيك ..لأني أكتب وأنا معصبة


فساعدوني الله لا يحرمكم الأجر

:az9:

حياك الله حبيبتي وأعجبني حرصك الرائع على والدتك ^_^


أعلمي أن ما تمر به الوالدة هو نوع من الابتلاء .. لكن قبل الرد بودي أن استفسر


هل من تتحدثين عنهم أخوات أمك .. وماهي ترتيبها بينهن ..؟


هل جدتك لأمك على قيد الحياة .. ؟


أمك دائماً مع الكل هذه شخصيتها وإلا بعد تعب جدك الله يرحمه



^__^ انتظر ردك لإكمال الرد



وفرج الله عنها وعن كل مسلم

حياك الله حبيبتي وأعجبني حرصك الرائع على والدتك

الله يجزيك الخير على تجاوبك


أعلمي أن ما تمر به الوالدة هو نوع من الابتلاء ..

الله المستعااااان ..الحمد لله على كل حال


هل من تتحدثين عنهم أخوات أمك .. وماهي ترتيبها بينهن ..؟

نعم ><....ترتيبها الـ3 ...وعددهم أكثر من خمس ..ماشاء الله ..


هل جدتك لأمك على قيد الحياة .. ؟

نعم ..وهي من المسؤوليات الجديدة ..إلي تكلمت عنها


أمك دائماً مع الكل هذه شخصيتها وإلا بعد تعب جدك الله يرحمه


ما فهمت السؤال من أي ناحية تقصدين؟!....وللعلم أمي شخصيتها مو ضعيفة بالعكس

تحسن التصرف في أغلب المواقف ..وأقدر أقول عنها إنها قياديه..حتى لما تبكي أو تضعف ما

يكون قدامهم ..


وفرج الله عنها وعن كل مسلم

اللهم آمـــــين

حبيبتي الغالــيـه

بارك الله فيك وكثر من امثالك , شيء جميل انك تحاولين مساعدة امك

وأنا بحاول أساعدك واتمنى ان اوفق في ذلك ..

اولاً : أمك مأجورة بإذن الله لبرها بأبوها الله يرحمه ,

وأعتقد أن برك بها من أسباب برها بأبيها

وهذا تستنتجين منه ( انك إذا وقفتي مع امك وبريتي بها بتلقين عيالك يتسابقون لإسعادك إذا احتجتيهم مثل ماتسوين الحين لأمك)


وترى سبحان الله بر الوالدين يصل اجره فالدنيا قبل الآخره


وبالنسبة لمشكلة امك هذي بسييييطه جداً وليس كما تخيلتيها ياغاليه

أول شيء لازم تسوينه وهو الخطوة الأولى :

تسلحي بالايمـان والأمل ..

خلي عندك يقين بالله ان تعبك لن يذهب سدى وحطي أمـل ان حياتكم بإذن الله ستتغير للأفضل

ثانيا:

الدعــــــاء الدعــــاء في جوف الليل , لو ركعتين حبيبتي تراها سهله وماتآخذ من وقتك

اسجدي لله وادعي كل اللي بخاطرك وربي مايخيبك بإذن الله

والدعاء فضله عظيم لأنه لايذهب أبداً ( لك إن دعيتي 4 احوال لابد من احدها )

1- اما ان الله يستجيب لك ويعطيك سؤلك

2- اما ان الله يدفع عنك من البلاء والسوء بمقدار الدعاء

3- واما ان يعطيك ما هو خير من الذي تريدين انت

4- واما ان يدخره لك يوم القيامة


يعني ادعي بكل وقت..

ثالثاً :

الاستــــغــــفــــار .

ووالله الذي خلقني إنه مفتاح السعاده وتفريج الكروب وتحقيق المطالب بإذن الله

والاستغفار انا جربته شخصيا لحل مشاكل والحمدلله , وترى الاستغفار يجلب الرزق والسعاده إن شاء الله

بكل وقت وعلى اي حال كنتي استغفري وصدقيني بتجين هنآ تقولين ابشركم مشكلتنا انحلت,,


وأقري على امك شيء من القرآن . لو تقرين عليها الفاتحه سبع مرات وتنفثين بيكون بإذن الله كافي


وبعدين يالغاليه شيلي من قلبك الاحقاد , انا ادري انك مقهوره لكن هذا لاينفع ابداً


ومن الاشياء المجربه واللي اتمنى من الله انها تنفع في حالتك

انك تكونين قريبه من امك بشكل مايزعجها

يعني لاتكثرين عليها أسئله لكن شوفي الاشياء اللي تحبها وسولفي عليها

مثلاً :

وحده من قريباتي امها تحب القهوة ونوع معين من الحلى وتحب الكلام عن المزارع

نصحتها انها إذا حست ان امها تعبانه تصلح لها قهوه وحلى وتحطهم وتنادي امها واخوانها

وتبدء تسولف عن المزارع

تقول من عقبها امي نفسيتها تحسنت وصارت هي تآمرني اصلح الحلى والقهوه

............

لاتخلينها تجلس لحالها وتكون الهواجيس انيسها وتقضي عليها

ترى المدمر الاكبر الهواجيس ..


إذا راحت تنام اقري عليها سورة الفلق 3 مرات وذكريها تقرأ اذكار النوم وتنام على جنبها الايمن وان شاء الله تتخلص من الكوابيس

لاتقولين صعبه ترى مافيه شيء صعب ولعيون الام الغاليه كل شيء يهووووون

وترى الموووضوع مسألة وقت لا أكثر


المطلوب منك الرووووووقــان عشان تعرفين تساعدين امك

لأنه ماينفع قلقة تساعد قلقة لأنك بتزيدين قلقها

فيه قانون فيزيائي يقول ( القطبين المتساويان متنافران ) يعني ماينع كلكم قلقين


انتي اذكري الله وحطي امل ان ربي مايخيب تعبك

وفكري بالاشياء الحلوه اللي بتصير إذا تحسن وضعكم


,,,,,,,,,,,,,,,,,,,,,,,


وبالنسبة للناس اللي ينكدون على امك هذولا حسابهم على الله ,,

اكتفي بقول ( حسبي الله ونعم الوكيل ) وهذا حل رااااائع جدا لمثل هالاشكال

وأكبر دليل صررريح قول الله عز وجل :{الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ فَانقَلَبُواْ بِنِعْمَةٍ مِّنَ اللّهِ وَفَضْلٍ لَّمْ يَمْسَسْهُمْ سُوءٌ}.

وش رايك ؟ فيه دليل أوووضح من هالدليل !! ..

أعتقد انه هذا هو الحل ياعزيزتي ,, وش رايك بسيييط جداً صح:yasser-atrees (285)

ورحمك لاتقطعينه ابداً , اهم شيء صلة الرحم .. وزي ماقلت لك مهما كان هذولا اهل وإذا شفتي شيء يضايقك اكتفي ( بحسبي الله ونعم الوكيل )


دائماً خلي هالمقولتين نصب عينيك ( أنـا بربي قويـة ) و ( يـــا هــم عنــدي رب كبــيــر )


أنا واثقه انك بتبشريننا بتحسن احوالكم قريباً جداً بإذن الله

وفقك الله لما يحب ويرضى
والله يسهل امرك ويسعد قلبك بالإيمان
ويشفي امك ويعينها ويخليها لكم ويرزقها طولت العمر على العمل الصالح



أعتذر على الاطاله لكن حبيت اساعدك يالغاليه واتمنى اني افيدك لو بشيء بسيط من كلامي


لاتنسين تبشرينا ياحلوووه

حياك الله مره أخرى عزيزتي ..


أول شيء لابد أن تكوني مصدر قوة للوالدة وتصبرينها على الابتلاء .. وتذكرينها بالأجر العظيييم لها لو صبرت على آذاهم

ولابد من التقرب من المولى عزوجل كما ذكرت حلوى الحياة ..

لأن سبحان الله التقرب منه سبحانه يعطي قوة للإنسان


الأمر الآخر هل يوجد أحد من أخوالك قويه شخصيته ومقرب من الوالدة ..


لأن لابد من مشاركة الجميع بالاهتمام بالجدة .. وحثهم على برها وتوعيتهم بأن ما يقوموا به
سيجدونه من ابنائهم


وحاولي تقنعينها أن مهما أتاها منهم من أذيه تقابلها بكل حب وصبر ..


لأنهم قد يفهمون حرصها على والدها الله يرحمه مجرد أنها فرضت نفسها على الوضع وما تركت لهم مجال


لاتنسين اختلاف انماط شخصية الناس واهتمامتهم



ونقطه مهمه لا تذكر الوالده ما يمر بها عند الوالد .. لأن لا يحبذ ذكر مشاكل العائلات للزوج


لأن قد يفرجها المولى .. ولكن تضل بداخل الرجل لأن الرجل لا ينس بسرعه مثل المرأة

(( من خبرة أقولك هالكلام ))




وفقك الله لكل خير والله يفرج عن الوالدة وقواكم الله



طمنيني عن جديدك

الله يجزيك الخير أختي حلوى الحياة

والله كلامك يريح

والله يقدرني أكون بارة بأمي

يصراحة فيه بعض الأشياء إلي ذكرتيها أعملها ..والباقي بإذن الله رح أعملها

وأبشرك أول الخطوات إلي عملتها إني أحاول أهدي نفسي ..وما أبين أي إنفعال قدامها

وثاني شي بديت أخفف الأسئلة

أما مسألة الحقد ..يا أختي ما أكرههم بس أنقهر على أمي

والله أمي ما تقصر معهم ..على إلي يعملوه فيها ..إلا إنها ماتتردد في تقديم خدمه أو مساعده

وياما أحتاجوها وما قصرت ...والله لو أقول لك وش تسوي معاهم رح تقولين على الأقل من

باب المجاملة رح أرد...لكن...!!! ><



وفقك الله لما يحب ويرضى
والله يسهل امرك ويسعد قلبك بالإيمان
ويشفي امك ويعينها ويخليها لكم ويرزقها طولت العمر على العمل الصالح

آمـــــــــــين ..وإياك



أعتذر على الاطاله لكن حبيت اساعدك يالغاليه واتمنى اني افيدك لو بشيء بسيط من كلامي


بالعكس أسعدني ردك الله لا يحرمك الأجر .

دعوااااتي لك

ماشاءالله عليك اختي على حرصك الزائد بإمك

اسأل الله ان لايحرمك اجرهآ وان يرزقك برها وللجميع ..~

اختي عليك اول شي ان تساعدي نفسك على تغيير امك

حآولي تسليهآ كثير همزليها رجولها او بمعنى كبسيلها ^^

سولفي معها لو بس هي ساكته وتستمع خلي سواليفك بإلإشياء الي تحبها ومع القهوهـ

وجلسه اخوانك حاولوا تضحكوهآ وتغيروا من جوهآ شوي الام تفرح إذ شافت عيالها معها

بجلسه حلوهـ:yasser-atrees (341) ..


فحآولي تنادي اخوانك عندها كل شوي ..

لاتخليــــــــها تجلس لوحدهآ كثير وإبعدوا عنها الاشياء الي تضايقها مثلا اقاربكم حاولوا

تبعدوهم هالفترهـ بس لين ترجع بحول الله وقوته ..

امآ على النآس الي يقهروا امك طنشيك منهم ودائمآ قولي لاامك في الله يحاسب ودائمآ

قولي حسبنا الله ونعم الوكيل ,,

ذكريهآ إنها مأجورة بحول الله على برها بإبيها ادعيلها الدعوات تفرحها ..

( اسأل الله يأمي ان يرزقني برك مثل برك بإبيكٍ )

وإن شاء الله تبشرينا بإلإخبار الحلوة ^^

اختك في الله ~

حياك أختِ الأخصائية هاجر

أول شيء لابد أن تكوني مصدر قوة للوالدة وتصبرينها على الابتلاء .. وتذكرينها بالأجر العظيييم
لها لو صبرت على آذاهم

ولابد من التقرب من المولى عزوجل كما ذكرت حلوى الحياة ..

لأن سبحان الله التقرب منه سبحانه يعطي قوة للإنسان

فعلا القوة لا تكون إلا بالقرب من الله..وبإذن االله أحاول إن لم أكن مصدر قوة اكون مصدر راحة لها

وهي ماشاء الله عليها حافظة بعض الأجزاء ..وذاكرة لربها

ومن حسن حظي أو من تقصيري ><..والله ما دري وش أقول ..عندي كتيب دايماً في شنطتي

{الدعاء من الكتاب والسنة_ والعلاج بالرقى } لـ.د :سعيد بن وهب القحطاني

طلّعته ونسيت ما أرجعة للشنطة ..وهي شافته وحبت الكتيب وأخذته مني ودايما أشوفها

تقرأ منه..ولله الحمد


الأمر الآخر هل يوجد أحد من أخوالك قويه شخصيته ومقرب من الوالدة

نعم وحدة من خالاتي قريبة نوعًا ما ومتعاطفة معها ...لكنها تقف بحيادية ..يعني مو مع أحد ضد أحد


لأن لابد من مشاركة الجميع بالاهتمام بالجدة .. وحثهم على برها وتوعيتهم بأن ما يقوموا به
سيجدونه من ابنائهم


وحاولي تقنعينها أن مهما أتاها منهم من أذيه تقابلها بكل حب وصبر ..


لأنهم قد يفهمون حرصها على والدها الله يرحمه مجرد أنها فرضت نفسها على الوضع وما تركت لهم مجال


لاتنسين اختلاف انماط شخصية الناس واهتمامتهم

أعذريني بس بصراحة عند هالنقطة ما أدري أضحك وإلا وش أقول

صدقيني حاولت معهم بكللللللل الطرق سواء فرض دور لكل واحده ..او بأسلوب نصيحة ...لكن>< ....!!



ونقطه مهمه لا تذكر الوالده ما يمر بها عند الوالد .. لأن لا يحبذ ذكر مشاكل العائلات للزوج


لأن قد يفرجها المولى .. ولكن تضل بداخل الرجل لأن الرجل لا ينس بسرعه مثل المرأة

(( من خبرة أقولك هالكلام ))


معك حق في هذي النقطة ..والوالد الكثيييييييير من الأشياء لا يعرفها



طمنيني عن جديدك


أستطعنا الأسبوع الماضي نطلعها مشوار خفيف ...والحمد لله تحسن نفسيتها قليلاً

وأصبحت أكثر قوة ..وأكثر تطنيش لهم ..بالرغم من زيادة الأذية ..

وهاليومين مشغولة بظرف طارئ ..وغيابها عن البيت زااااد الله يقويها ويعطيها الصحة والعافية

الله يجزيك الخير ..ولا يحرمك الأجر ..أستفدت كثيييييير من كلامكم

حياك الله أختي فاقدهـ خالي



اسأل الله ان لايحرمك اجرهآ وان يرزقك برها وللجميع ..~

اللهم آمــــــــــين وإياك


حآولي تسليهآ كثير همزليها رجولها او بمعنى كبسيلها ^^

سولفي معها لو بس هي ساكته وتستمع خلي سواليفك بإلإشياء الي تحبها ومع القهوهـ

وجلسه اخوانك حاولوا تضحكوهآ وتغيروا من جوهآ شوي الام تفرح إذ شافت عيالها معها

بجلسه حلوهـ ..


ماتحب التهميز ^^

والله هذا إلي أحاول أعملة ..وأحاول أساعدها في كل شي وإذاماكنت أفهم فيه

أجلس أقرقر على راسها ..الله يصبرها علي^^


لاتخليــــــــها تجلس لوحدهآ



وهي أصلاً تلاقي وقت تجلس فيه مع نفسها ..الله يعينها



( اسأل الله يأمي ان يرزقني برك مثل برك بإبيكٍ )


سبحااان الله ..كنت دايما أقول لها هالعبارة خصوصًا في الفترة الأخيرة قبل وفاتة

إذا أشتد عليها التعب


الله يجزيك الخير أختي ولا يحرمك الأجر ..خففتو عني الله يسعدكم

الله ييسر لكم ولنا ولكل مسلم


.. ياليت تكتبين ردودنا بورقه او تحفظينها لملف word


وتشوفينه من وقت لآخر .. الردود تبارك الرحمن قيمة

وعليكم السلام ورحمة الله وبركاته



نف نف حال والداتك لايختلف عن حال والدي الا انه يرعى اخته اليتيمة مع العلم بانه اصغر اخواناها وغير ذلك ان لها ابناء بالغون راشدون قادرون على رعايتها وقضاء حوائجها .. ومع ذلك لم يسلم من الملامة والاذى ..


الحمد لله على كل حال فالمضايقات لم يسلم منها احد حتى الرسول صلى الله عليه وسلم واصحابه ولكن انظري كيف كانوا يواجهونها كانوا يستحبون ان يكون لهم خبيئة من عمل صالح تكون لهم فرجا عند الكربات

فانظري ووالدتك ما العمل الذي تريانه فَرَجاً لكما عند الكربات، تَدَّخيرانه في المُلِمَّات فبذلك تكسبا محبة الله والله اذا احب عبد دافع عنه وحماه من كل مكروه واخذ له بحقه ممن ظلمه فلا اظن انه يخفى عليك كلام رسول الله صلى الله عليه وسلم حين قال إِنَّ اللَّهَ قَالَ : (( مَنْ عَادَى لِي وَلِيًّا فَقَدْ آذَنْتُهُ بِالْحَرْبِ ))

اسأل العلي القدير ان يفرج كربكم ويجلي همكم ويشرح صدوركم ويكفيكم الاذى ويدفع عنكم الشر والسوء

نف نف اسأل الله لك راحة تملا نفسك ورضا يغمر قلبك وسعادة تعلو وجهك

اُشهد الله اني احبك ووالدتك فيه

دعواتي تصحبكم :yasser-atrees (341)

وربي حال امك نفس حال ماما




الله يكون في عونكم وعووننا


الله يقويكم ويفرحها عنكم


طمنينا عن امك

نف نف
بوسه على راسك والله من قلب
الله يوفقك ويعافيك ويرضى عنك دنيا واخره وان شاء الله هاللي تسوينه راح تلاقينه بذريتك مستقبلا ان شاء الله
امك ثم امك ثم امك
يازيييين البار بامهم ياناس
الله يخليلك امك وان شاء الله تتحسن صحتها النفسيه
وباذن الله هي مساله وقت

ماعندي اي نصايح اللي فوقي ماقصرو كفوو ووفو

دمتي كما تحبين

بالتوفيق

مشاء الله تبارك الله الله يزيد امك بر بوالديها مراح يضيع راح تلاقيه عند رب العباد ..

حبيبتي يمكن اكون متهوره او عصبيه عن اللزوم ...
لكن صدقيني اذا فقدتي امك ما احد نافعك ..

انتي كبيره مشاء الله ليه ماتغلطين ع اللي يغلط ع امك حتى لو خواك مايهم ..
وقفيهم عند حدهم اذا صرخو ع امك اصرخي عليهم ..
اذا سمو امك بكلمه سميهم بكلمتين طبعاً مو قدام امك لا نها اكيد ما راح ترضى ..
اعطيهم نظرات احسن خليهم يتادبون امك مي خدامه عندهم يصرخون عليها متى ما بغو وش فايدتك بالحياه وامك تنهان ..:yasser-atrees (214)
اكسري راس:yasser-atrees (79): واقطعي اللسان اللي يقول لامك كلمه ..
اذا فقدتي امك بسببهم ما احد نافعك ..
لاخوالك ولا سكوتك ..
بس الاهم انك ماتبينين لامك انك منقهر ولا تبينين عصبيتك قدامها با العكس كوني قويه وحطي الامر عاد وخليك من تحت لتحت مع خوالك حتى قولي لخوانك يسون مثلك وخصوصاً البزارين الصغار عشان البزارين هم اللي يرفعون الضغط خصوصاً اذا جلس يعطي نظرات هع هع <<< والله اني شريره ^_^:yasser-atrees (388)
ادري متهوره:yasser-atrees (130) بس ها الاشكال تحتاج العين الحمراء ناس ..قلية حياء الحين امك تعتني بابوهم وهم يسون كذا ..
والله لو مو خايفه تزعلين وموخايفه ع امك اني لا ادعي عليهم ..
الله يكون بعونك حبيبتي ومثل ما قلو الاخوات عليك بدعاء ..
قولي "" اللهم سخر لها ملاكة سمائك وعبيد ارضك ""

بتوفيق ياقلبي ..
وصدقين الطيب مستحيل يفيد معهم ابداً ..
تعالي لهم مثل مايجونكم ..
:yasser-atrees (335)
بنوته ...

×
..
×

اختي ينت السلاطين الله يوفقك مزبوط لازم تدافع عن امها وهي ماقصرت لكن تعاملهم بنفس معاملتهم مااعتقد دا الشي يساعد في حل المشكلة كدا الوضع بيزيد والمشكلة تكبر والله مافي احسن من اللين يااختي ( ولو كنت فظا غليظ القلب لنفضوا من حولك ) ومافي خوف عالوالدة باذن الله بتطيب هي بس فترة وتعدي الله يفرج لها ويطول بعمرها وهي بصحة وعافية

الدعاء سلاح قوي كونوا معاها بدعواتكم والله ييسر الامور

لبلور المنثور ..
حياك قلبو ..
لا حبيبتي ها الشكال اعرف لها انا زين وياكم من مره تعاملت معهم صدقيني ما ينفع الطيب نهائياً عندك اكبر مثال ام الاخت اللي ذكرت القصه ..
شوفي كيف تعاملهم بحنيه اسالك بالله جاب نتيجه من كلام الاخت انو ماجاب اي نتيجه او فايده بس زيااادة التجريح ..
..كن ذئاباً والا اكلتك الذئاب ..

صدقيني المجتمع اللي انا فيه ما فيه اقسى منو بس اعرف كيف اتعامل معهم اي انسان عامليه مثل مايعاملك لان زمن الطيب والا وراح الا القلوب الاصيله ...
هم اللي الطيب باقيه له اثر فيهم ..
انا ما اقول لها تغلط وهم ما سوو شي لا اذا اغلطو ع امها تغلط عليهم وتدفن خشومهم با الترب اذا ماعزت امها بالوقت هذا متى تعزها ..
من لأمها عزوه وسند يدافع عنها غيرها ..
حتى امها تحس ان احد معها وواقف بجنبها ..
الله يفرج كربهم ويزيح غمهم ويسخرلهم ملائكة سمائه وعبيد ارضه ..


وجهة نظر لا اكثر ولا اقل ..


بنوته ...