M o P t K e R
09/06/2006, 11:34 AM
زن زن زنننننننن
لحظه الانتل حقي يحكني
اوووووه انا على الهوا
اعرفكم بنفسي
انا صرصور ابلغ من العمر اسبوعين واسمي محماس واسكن بمجلس رجال في بيت ابو حمد،،، غرفه نومي فتحه المكيف بالمجلس والمقلط حاطه غرفه تمرين،،،ماغير اناقز من مركى لمركى،،،
يوم من الايام،،، صحيت على صوت شخير ابو حمد وهو نايم بالمجلس،،،طالعت فيه بنظره حاده وقلت وش عنده هالشايب نايم في غرفتي....لازم اضايقه شوي،،،جيت عند راسه وتربعت على جبهته وبديت اسمي عليه وامسح الانتل حقي على خشمه،،مادريت والا الشايب يعطس وليني اتدحرج واتدحرج بالهوا واصفق بالجدار،،،طالعت بابو حمد وهو مثل خيشه الفحم...نايم ما درى عن شى،،طالعت فيه وانا كلي حقد. وش هاللزقه ياربي شلون افتك منه،،جيت عند راسه مره ثانيه وطقعت عند اذنه الله يعزكم،،،ماش مافي فايده،،مافي الا حل واحد،،، جيت عند يده ودخلت مع كم ثوبه ولين داخل غابه وتسلكت طريقي الين ما وصلت عند اباط ابو حمد وجلست افحط فيها،،،الشايب ابي ادغدغه،،،شوي والا ابو حمد واقف ويصارخ : ياااااااااااااااااااااااوك يام حمد ابك الحقي علي،،،الشايب المسكين ارتاع وقطع ازاريره وفصخ ثوبه ورماه على الارض وانحاش لحرمته،،،جلست شوي الين ما حسيت ان في امان وطلعت انتلي مع كم الثوب وحركته يمين شمال...حسيت ان مافي احد وطلعت وانا اناقز من الفرح،،
المشكله ان النوم طار قلت خلني اتمشى بالبيت،،،رحت عند حصاني...او بالاصح الضاطور حقي،،مسميه دهام،،مركب له جنوط مقاس 18 ومسجل سيدي وفتحه بعد،،،مشينا الين ما وصلنا لباب المجلس و وقفت عند الاشاره...طالعت اشوف اذا في صراصير بالتقاطع ولا لا وكملنا طريقنا على المطبخ،،،لبقت ورا باب المطبخ ولقيت ام حمد جالسه تقطع بصل. طبعا لا بد من المضايقات. شغلت جنحاني وعشقت قيري وطرت بالهوا وجيت عند رقبه ام حمد من ورا وجلست ادغدغها بالانتل حقي..الخبله قامت تضحك وقالت ياحليلها الجراده،،،افااااااااا ياذالعلم...انا اخر عمري صرت جراده؟ قفلت معي الاخلاق وهبطت قدامها وقلتلها اسمعي يالمهبوله ابك انا محماس الصرصور المخيف....مانيب جراده دلوعه،،يااااااااااااااااااااااااااااااااااااااااا اوك ياويلي ويلاه الحق علي يابو حمد في صرصور بالمطبخ،،المسيكينه قرطت بثوبها ورمت البصل وحطت رجلها والا ابو حمد داخل علي بالمكنسه،،،عاد ما يبيلها،،،طرت بالهوا وانحشت على الصاله.
لقيت العيال حمد ومحمد يلعبون كوره على السوني. انبطحت بينهم وجلست الاعب رجولي بالهوا وانا اطالع المباره، شوي والا حمد يدخل هدف على محمد ومحمد يصارخ : ابك والله انه تسلل ياحكم ابك والله انه تسلسل. صارخت انا ابك على الحرام انه ماهوب تسلسل يالغبي قال حمد انثبر انت وش عرفك وجلس يكمل لعبه..انقهرت بصراحه انا واخذت بخاطري..محمد وهو جالس يلعب مادرى اني صرصور وجلس يكمل لعبه. قلت ميد نفسي انا ابن ابوي...اثره مادرى عني...والله ياهي كبيره بحقك يامحماس...قمت ومشيت الين ما وصلت عند يد محمد واستنيته لين ما بدا يهجم بالكوره على حمد...يوم جا بيسدد هدف وانا اقرصه على اصبعه والورع قام يصايح وشافني وقمز بالهوا ولينه شايت حمد بركبه في وجهه وثنيناتهم قمزو على الطاوله متمكسين في بعض ويرتجفون ويقولون : يمه يمه صرصور يمه صرصور..وقفت وطالعت فيهم بنظره حاده وقلت ايه يالملاعين الحين تكلمو...تكلمو يلا ..!!!...ماحسيت والا شبشب ماشيه 200 تصفقني على ظهري وبدون ما التفت انحشت برا وطلعت للدور الثاني لغرفه البنات.
دخلت غرفه البنات ولقيت ساره نايمه على السرير وحصه جالسه تحط مكياج. جلست اتمشى شوي بالغرفه والبنات ما درو عني...طلعت على السرير وتربعت على المخده قدام عين ساره وجلست اشبك الانتل حقي مع رموش ساره يقالي الحب الحئيئي. فتحت ساره عينها وشافتني وفجأة مادريت والا هي تصارخ باعلى صوتها وهي فوق الدولاب وحصه واقفه على الطاوله يصياحون...طبعا ما يحتاج...البطل الشجاع ابو حمد دخل الغرفه وبيده شبشب فلوري. انحشت لتحت السرير و ايش تتوقعين لقيت؟ لقيت صرصوره مندسه تحت..شافتني وقالت يؤؤ ابك وين برقعي...قلت يابنت الاوجاد هالوقت موب وقته خلينا ذالحين بس نفكر شوي نفتك من هالمصيبه.،،،
وقفه مع البرنامج
نتوقف هنا اعزائي وذلك لعدم اكتفاء الحبر وايضا لنعطي المخ وقت من الراحه....
وترقبو بالحلقات القادمه،،،
-زواج محماس من الصرصوره:ad3:
-تجنيد محماس بجيش الصراصير وذهابه لمحاربه الاعداء الخنافس:af2:
-موت محماس بين الثلاجه والفرن:ad2:
منقول
لحظه الانتل حقي يحكني
اوووووه انا على الهوا
اعرفكم بنفسي
انا صرصور ابلغ من العمر اسبوعين واسمي محماس واسكن بمجلس رجال في بيت ابو حمد،،، غرفه نومي فتحه المكيف بالمجلس والمقلط حاطه غرفه تمرين،،،ماغير اناقز من مركى لمركى،،،
يوم من الايام،،، صحيت على صوت شخير ابو حمد وهو نايم بالمجلس،،،طالعت فيه بنظره حاده وقلت وش عنده هالشايب نايم في غرفتي....لازم اضايقه شوي،،،جيت عند راسه وتربعت على جبهته وبديت اسمي عليه وامسح الانتل حقي على خشمه،،مادريت والا الشايب يعطس وليني اتدحرج واتدحرج بالهوا واصفق بالجدار،،،طالعت بابو حمد وهو مثل خيشه الفحم...نايم ما درى عن شى،،طالعت فيه وانا كلي حقد. وش هاللزقه ياربي شلون افتك منه،،جيت عند راسه مره ثانيه وطقعت عند اذنه الله يعزكم،،،ماش مافي فايده،،مافي الا حل واحد،،، جيت عند يده ودخلت مع كم ثوبه ولين داخل غابه وتسلكت طريقي الين ما وصلت عند اباط ابو حمد وجلست افحط فيها،،،الشايب ابي ادغدغه،،،شوي والا ابو حمد واقف ويصارخ : ياااااااااااااااااااااااوك يام حمد ابك الحقي علي،،،الشايب المسكين ارتاع وقطع ازاريره وفصخ ثوبه ورماه على الارض وانحاش لحرمته،،،جلست شوي الين ما حسيت ان في امان وطلعت انتلي مع كم الثوب وحركته يمين شمال...حسيت ان مافي احد وطلعت وانا اناقز من الفرح،،
المشكله ان النوم طار قلت خلني اتمشى بالبيت،،،رحت عند حصاني...او بالاصح الضاطور حقي،،مسميه دهام،،مركب له جنوط مقاس 18 ومسجل سيدي وفتحه بعد،،،مشينا الين ما وصلنا لباب المجلس و وقفت عند الاشاره...طالعت اشوف اذا في صراصير بالتقاطع ولا لا وكملنا طريقنا على المطبخ،،،لبقت ورا باب المطبخ ولقيت ام حمد جالسه تقطع بصل. طبعا لا بد من المضايقات. شغلت جنحاني وعشقت قيري وطرت بالهوا وجيت عند رقبه ام حمد من ورا وجلست ادغدغها بالانتل حقي..الخبله قامت تضحك وقالت ياحليلها الجراده،،،افااااااااا ياذالعلم...انا اخر عمري صرت جراده؟ قفلت معي الاخلاق وهبطت قدامها وقلتلها اسمعي يالمهبوله ابك انا محماس الصرصور المخيف....مانيب جراده دلوعه،،يااااااااااااااااااااااااااااااااااااااااا اوك ياويلي ويلاه الحق علي يابو حمد في صرصور بالمطبخ،،المسيكينه قرطت بثوبها ورمت البصل وحطت رجلها والا ابو حمد داخل علي بالمكنسه،،،عاد ما يبيلها،،،طرت بالهوا وانحشت على الصاله.
لقيت العيال حمد ومحمد يلعبون كوره على السوني. انبطحت بينهم وجلست الاعب رجولي بالهوا وانا اطالع المباره، شوي والا حمد يدخل هدف على محمد ومحمد يصارخ : ابك والله انه تسلل ياحكم ابك والله انه تسلسل. صارخت انا ابك على الحرام انه ماهوب تسلسل يالغبي قال حمد انثبر انت وش عرفك وجلس يكمل لعبه..انقهرت بصراحه انا واخذت بخاطري..محمد وهو جالس يلعب مادرى اني صرصور وجلس يكمل لعبه. قلت ميد نفسي انا ابن ابوي...اثره مادرى عني...والله ياهي كبيره بحقك يامحماس...قمت ومشيت الين ما وصلت عند يد محمد واستنيته لين ما بدا يهجم بالكوره على حمد...يوم جا بيسدد هدف وانا اقرصه على اصبعه والورع قام يصايح وشافني وقمز بالهوا ولينه شايت حمد بركبه في وجهه وثنيناتهم قمزو على الطاوله متمكسين في بعض ويرتجفون ويقولون : يمه يمه صرصور يمه صرصور..وقفت وطالعت فيهم بنظره حاده وقلت ايه يالملاعين الحين تكلمو...تكلمو يلا ..!!!...ماحسيت والا شبشب ماشيه 200 تصفقني على ظهري وبدون ما التفت انحشت برا وطلعت للدور الثاني لغرفه البنات.
دخلت غرفه البنات ولقيت ساره نايمه على السرير وحصه جالسه تحط مكياج. جلست اتمشى شوي بالغرفه والبنات ما درو عني...طلعت على السرير وتربعت على المخده قدام عين ساره وجلست اشبك الانتل حقي مع رموش ساره يقالي الحب الحئيئي. فتحت ساره عينها وشافتني وفجأة مادريت والا هي تصارخ باعلى صوتها وهي فوق الدولاب وحصه واقفه على الطاوله يصياحون...طبعا ما يحتاج...البطل الشجاع ابو حمد دخل الغرفه وبيده شبشب فلوري. انحشت لتحت السرير و ايش تتوقعين لقيت؟ لقيت صرصوره مندسه تحت..شافتني وقالت يؤؤ ابك وين برقعي...قلت يابنت الاوجاد هالوقت موب وقته خلينا ذالحين بس نفكر شوي نفتك من هالمصيبه.،،،
وقفه مع البرنامج
نتوقف هنا اعزائي وذلك لعدم اكتفاء الحبر وايضا لنعطي المخ وقت من الراحه....
وترقبو بالحلقات القادمه،،،
-زواج محماس من الصرصوره:ad3:
-تجنيد محماس بجيش الصراصير وذهابه لمحاربه الاعداء الخنافس:af2:
-موت محماس بين الثلاجه والفرن:ad2:
منقول