مدمن شاهي
07/04/2006, 11:23 PM
سلام علاكم
وش لونكم ياجماعة الخير .. ؟
أولاً : أعذروني أن شفتوا في موضوعي هذا بعض الحروف مُكرره ... لأنه البارح ( أنكبّ ) الشاهي على الكيبورد ... وصارت بعض الحروف ماتمشي إلا بالدفّ والعين الحمرا .. وماأقدر أفكّ بين الحرف والحرف اللي بعده إلا بمساعده من الأخت : مُدمنة شاهي .. والأخ الأصـــــــــــغر للمُدمن : سويلم ! http://forum.ma3ali.net/images/smilies/smilie.gif
خامساً : الأصل ... أن اليوم تكون الحلقه الأخيره من موضوعي حق ( سفرتي لمصر ) ... ولكن نظراً لطلب البعض من المُزعجين .. قصدي الإخوه على الرسائل الخاصه بالحديث عن طويل الشوارب وكثير السوابق وعظيم المصايب ( دحيّم الأحول ) وتفنيد حياته المُعجزه على أهل الحاره .. لأني دايم أطريه بالخير .. قصدي بالشر في مواضيعي .. وعشان كذا أستغربوا وش هالعلاقه الوطيده الغريبه بيننا << حلوه الوطيده هذي !
دحيّم الأحول ...
آدمي .. بنيّة مجرم قليل خاتمه .. !
أرجوكم لا أحد يقعد يشغلني .. ويقول أستغفر http://forum.ma3ali.net/images/smilies/smilie.gif !
من عاش شاف .. ومن شاف مات قهر !
يعني تصوّروا .. البنت اللي كنت ناويه أزرفها .. قصدي أخطفها .. قصدي أتزوجها من أهلها بنت بن رويسان الأجرب.. يجي من وراي دحيّم هو وعيونه وياخذها " بارده مبرّده " .. لا .. ويروح هو واياها للشرقيه ويجلس معها على الهاف موون .. ويدق علي من جوّاله .. ويقول .. يامُدمن ( تصدق بغيت أغرق في البحر وانقذتني حرمتي ! ) http://forum.ma3ali.net/images/smilies/smilie.gif .. ياليتكم غرقتم وفكيتونا بعد من شرّكم بعد ! http://forum.ma3ali.net/images/smilies/smilie.gif
لا نبعد عن الموضوع .. ثم ماندري عن أنفسنا إلا وانا متعلّقين على جسر البحرين .. هاللي مايمتلي إلا يوم الأربعاء بعد العصر .. ويوم الجمعه بعد العشاء ... شي غريب .. والمعنى في بطن الشاعر ! http://forum.ma3ali.net/images/smilies/smilie.gif
دحيّم الأحول ..
صديق قديم .. درست أنا واياه في الإبتدائي .. كان من طبعه أن يسرق كل شي .. حتى النعول - الله يكرمكم - اللي عليه سارقها من مسجد الحاره اللي جنبنا .. لأنه مايقدر يسرق نعال من مسجد حارتنا .. لأن كل واحد عارف نعاله صح ! .. حتى إمام حارتنا كان يلبس نعال كبار مقاس 34 لونها بني على أسود .. اليمنى منها منقطع طرفها .. واليسرى فيها أربعة مسامير صغار من كثر الخرز ! http://forum.ma3ali.net/images/smilies/smilie.gif
كنت أنا واياه نروح المدرسه سوى ونجي منها سوى .. وكان يخاوينا مجموعه من عيال الحاره .. وكنا نتقاسم اللقمه من كثر المحبه والصداقه !
كانت المدرسه مليئه بالمواقف المضحكه والمحزنه والمبكيه .. !
كان دحيّم يتميّز بِحول في عينه اليسرى ... يعني لما يبغى يقرا كتاب تلقاه ( حاذف الكتاب ) كلّه يمين http://forum.ma3ali.net/images/smilies/smilie.gif !
ولما يركب معنا في السياره .. مايجلس إلا يسار .. ولما يمشي معنا دايم يمشي يسار .. حتى في فريق الحاره .. مايبغى إلا جناح أيسر .. عشان يشوف الفريق من يمينه ! .. الله لايبلانا بس ! http://forum.ma3ali.net/images/smilies/smilie.gif
مره حطيناه حارس مرمى .. وجاته الكوره من يسار ودخلت هدف ومادرى عن الهدف إلا لما شاف الفريق المُقابل فرحانين ! http://forum.ma3ali.net/images/smilies/smilie.gif
كان يُعاني من اضطرابات جسديه في العاتق الأيمن للظهر .. يعني لما يجلس قدّامي أشوفه يهزّ كان في جلسة طرب !
دحيّم الأحول .. تدرجت في الدراسه أنا واياه للمرحله المتوسطه ... وماقدر يتخرّج منها إلا بالدف وحبّة الخشوم .. !
بعد ماتخرّج من دراسته المتوسطه دخّله أبوه في كليه عسكريه ... وتخرج منها برتبة جندي ركن ! .. ولا قدر يكمّل في العسكريه لأنه ( حول ) ولايقدر يواجه الناس والمواطنينننننننن << ماعليش هذي آثار كيبوردي اللي منكبّ عليه شاهي .. يعني لاتشرهون http://forum.ma3ali.net/images/smilies/smilie.gif !
ترك العسكريه وتوظف في كبينة تلفونات وتركها ... ثم صار يبيع خُضار عند المساجد .. ومسكته البلديه أكثر من مره .. بعدها كره ذيك الشغله ... وراح يشتغل في سرق غازات أهل الحاره وحاول يوضّفني معه فيها .. لكني رفضت هالشي .. ماهو لأنه ( حرام ) ولكن لأن الدخل بيكون ضعيف .. ولاتسوى تعبها http://forum.ma3ali.net/images/smilies/smilie.gif !
مرّت الأيام بدواليها .. وفكرت أنا واياه مثل ماذكرت لكم قبل فتره أننا نتزوّج بالخفيه ونعفّ أنفسنا .. وناخذ أنا واياه خوات بالمسيار ... ونسكنهن في شقة ولد " أبو صعفق " .. وكل يوم يجي واحد لعياله .. والثاني يوقّف على الشارع يسبر لخويه الطريق !
وهذا التخطيط كان من راسي .. لقصد أراه .. لأني كنت ناوي على ( بنت بن رويسان الأجرب ) اللي كانت ساكنه قدّام بيتنا .. ودريشتها على الشارع ! .. وحاولت أني أوهمه أني باتزوج معه بالمسيار ! http://forum.ma3ali.net/images/smilies/smilie.gif
وبِما أن أبو ( بنت بن رويسان ) تاجر ... واحتمال كبير أني أورثه أنا وبنته ( اللي هي زوجتي ) .. لأن مالها إلا أخو مُعاق والثاني كفيف وتعيبان ! .. خطّطّت ودبّرت أموري .. وعزمت على ذيك ( البنت ) .. ولكن خابت الآمال .. وضاعت الأمور ... وسوّاها ( الحول ) !
يجيني سؤال زي العسل ... ويقول .. وش لون ماقدرت تاخذها وانت مخطّطّ عليها ؟
أقول .. واذا كان دحيّم ( مبيّت النيه ) عليها .. وانه مخطّطّ قبلي أنه يقلب الطاوله ويكب الشاهي على راسي .. !
العلم ومافيه ... أن الرجّال خذها من وراي .. وراح للشرقيه .. ودقّ علي من هِناك يقهرني .. ويقول لي بعظمة لسانه جعلها تقطع ( هاه وش رايك ناخذ مسيار ) ! http://forum.ma3ali.net/images/smilies/smilie.gif
دحيّم الأحول .. ترتيبه الأول والأخير في البيت من العيال .. يعني مافيه إلا هو وامه وابوه .. يعني هو آخر العنقود وهو العود في نفس الوقت http://forum.ma3ali.net/images/smilies/smilie.gif !
أبوه مايتكل عليه في شي إلا في السرق .. ودايم يكون طفران ومايرد راسه إلا ( لي ) !
زميله الخاص والــ v.i.p .. المُدمن لاغير ! http://forum.ma3ali.net/images/smilies/sad.gif
ميزته الوحيده اللي أحب أبيّنها لكم أنه رجّال ونيس ووسيع صدر .. ويحب الهبال .. وعشان كذا أنا متمسّك فيه !
لي إجتماع خاص معه كل جمعه الساعه ( الواحد ليلاً ) عشان نتدارس أحوال الحاره وندرس بعض الحلول لتطوير مشاكلها .. ونشوف لنا حلّ مع هالشيبان وقعدتهم عند النخل من الصبح وحتى مغيب الشمس !
سيارته من نوع قديم .. أخاف أقول لكم كم موديل السياره ونوعها وتموتون ضحك .. خلوا الدعوه ستر فيها أحسن !
بالنسبه لصلاته ... فأنا أشهد له بالصلاة << أمش يامطوّع الحاره ! .. http://forum.ma3ali.net/images/smilies/as1.gif
ماتفوته الصلاة في الجماعه ... دايم يلحق على الركعه الثالثه من المغرب والرابعه من العشاء !
يقدّر عصير التفاح لأنه مايرفع الضغط ... ويحب ياكل شاورما بدون دجاج !
http://forum.ma3ali.net/images/smilies/as1.gif
حالياً .. عاطل مع مرتبة الشرف !
ومستقبلاً .. يُخطط على غازات ولد بن هبّاس !
يضلّ دحيّم .. رفيق عِشره .. وياحلالاته يوم يموت وآخذ بنت بن رويسان ! http://forum.ma3ali.net/images/smilies/smilie.gif
سلام علاكم !
[ مُدمن شاهي ] http://forum.ma3ali.net/images/smilies/smilie.gif
وش لونكم ياجماعة الخير .. ؟
أولاً : أعذروني أن شفتوا في موضوعي هذا بعض الحروف مُكرره ... لأنه البارح ( أنكبّ ) الشاهي على الكيبورد ... وصارت بعض الحروف ماتمشي إلا بالدفّ والعين الحمرا .. وماأقدر أفكّ بين الحرف والحرف اللي بعده إلا بمساعده من الأخت : مُدمنة شاهي .. والأخ الأصـــــــــــغر للمُدمن : سويلم ! http://forum.ma3ali.net/images/smilies/smilie.gif
خامساً : الأصل ... أن اليوم تكون الحلقه الأخيره من موضوعي حق ( سفرتي لمصر ) ... ولكن نظراً لطلب البعض من المُزعجين .. قصدي الإخوه على الرسائل الخاصه بالحديث عن طويل الشوارب وكثير السوابق وعظيم المصايب ( دحيّم الأحول ) وتفنيد حياته المُعجزه على أهل الحاره .. لأني دايم أطريه بالخير .. قصدي بالشر في مواضيعي .. وعشان كذا أستغربوا وش هالعلاقه الوطيده الغريبه بيننا << حلوه الوطيده هذي !
دحيّم الأحول ...
آدمي .. بنيّة مجرم قليل خاتمه .. !
أرجوكم لا أحد يقعد يشغلني .. ويقول أستغفر http://forum.ma3ali.net/images/smilies/smilie.gif !
من عاش شاف .. ومن شاف مات قهر !
يعني تصوّروا .. البنت اللي كنت ناويه أزرفها .. قصدي أخطفها .. قصدي أتزوجها من أهلها بنت بن رويسان الأجرب.. يجي من وراي دحيّم هو وعيونه وياخذها " بارده مبرّده " .. لا .. ويروح هو واياها للشرقيه ويجلس معها على الهاف موون .. ويدق علي من جوّاله .. ويقول .. يامُدمن ( تصدق بغيت أغرق في البحر وانقذتني حرمتي ! ) http://forum.ma3ali.net/images/smilies/smilie.gif .. ياليتكم غرقتم وفكيتونا بعد من شرّكم بعد ! http://forum.ma3ali.net/images/smilies/smilie.gif
لا نبعد عن الموضوع .. ثم ماندري عن أنفسنا إلا وانا متعلّقين على جسر البحرين .. هاللي مايمتلي إلا يوم الأربعاء بعد العصر .. ويوم الجمعه بعد العشاء ... شي غريب .. والمعنى في بطن الشاعر ! http://forum.ma3ali.net/images/smilies/smilie.gif
دحيّم الأحول ..
صديق قديم .. درست أنا واياه في الإبتدائي .. كان من طبعه أن يسرق كل شي .. حتى النعول - الله يكرمكم - اللي عليه سارقها من مسجد الحاره اللي جنبنا .. لأنه مايقدر يسرق نعال من مسجد حارتنا .. لأن كل واحد عارف نعاله صح ! .. حتى إمام حارتنا كان يلبس نعال كبار مقاس 34 لونها بني على أسود .. اليمنى منها منقطع طرفها .. واليسرى فيها أربعة مسامير صغار من كثر الخرز ! http://forum.ma3ali.net/images/smilies/smilie.gif
كنت أنا واياه نروح المدرسه سوى ونجي منها سوى .. وكان يخاوينا مجموعه من عيال الحاره .. وكنا نتقاسم اللقمه من كثر المحبه والصداقه !
كانت المدرسه مليئه بالمواقف المضحكه والمحزنه والمبكيه .. !
كان دحيّم يتميّز بِحول في عينه اليسرى ... يعني لما يبغى يقرا كتاب تلقاه ( حاذف الكتاب ) كلّه يمين http://forum.ma3ali.net/images/smilies/smilie.gif !
ولما يركب معنا في السياره .. مايجلس إلا يسار .. ولما يمشي معنا دايم يمشي يسار .. حتى في فريق الحاره .. مايبغى إلا جناح أيسر .. عشان يشوف الفريق من يمينه ! .. الله لايبلانا بس ! http://forum.ma3ali.net/images/smilies/smilie.gif
مره حطيناه حارس مرمى .. وجاته الكوره من يسار ودخلت هدف ومادرى عن الهدف إلا لما شاف الفريق المُقابل فرحانين ! http://forum.ma3ali.net/images/smilies/smilie.gif
كان يُعاني من اضطرابات جسديه في العاتق الأيمن للظهر .. يعني لما يجلس قدّامي أشوفه يهزّ كان في جلسة طرب !
دحيّم الأحول .. تدرجت في الدراسه أنا واياه للمرحله المتوسطه ... وماقدر يتخرّج منها إلا بالدف وحبّة الخشوم .. !
بعد ماتخرّج من دراسته المتوسطه دخّله أبوه في كليه عسكريه ... وتخرج منها برتبة جندي ركن ! .. ولا قدر يكمّل في العسكريه لأنه ( حول ) ولايقدر يواجه الناس والمواطنينننننننن << ماعليش هذي آثار كيبوردي اللي منكبّ عليه شاهي .. يعني لاتشرهون http://forum.ma3ali.net/images/smilies/smilie.gif !
ترك العسكريه وتوظف في كبينة تلفونات وتركها ... ثم صار يبيع خُضار عند المساجد .. ومسكته البلديه أكثر من مره .. بعدها كره ذيك الشغله ... وراح يشتغل في سرق غازات أهل الحاره وحاول يوضّفني معه فيها .. لكني رفضت هالشي .. ماهو لأنه ( حرام ) ولكن لأن الدخل بيكون ضعيف .. ولاتسوى تعبها http://forum.ma3ali.net/images/smilies/smilie.gif !
مرّت الأيام بدواليها .. وفكرت أنا واياه مثل ماذكرت لكم قبل فتره أننا نتزوّج بالخفيه ونعفّ أنفسنا .. وناخذ أنا واياه خوات بالمسيار ... ونسكنهن في شقة ولد " أبو صعفق " .. وكل يوم يجي واحد لعياله .. والثاني يوقّف على الشارع يسبر لخويه الطريق !
وهذا التخطيط كان من راسي .. لقصد أراه .. لأني كنت ناوي على ( بنت بن رويسان الأجرب ) اللي كانت ساكنه قدّام بيتنا .. ودريشتها على الشارع ! .. وحاولت أني أوهمه أني باتزوج معه بالمسيار ! http://forum.ma3ali.net/images/smilies/smilie.gif
وبِما أن أبو ( بنت بن رويسان ) تاجر ... واحتمال كبير أني أورثه أنا وبنته ( اللي هي زوجتي ) .. لأن مالها إلا أخو مُعاق والثاني كفيف وتعيبان ! .. خطّطّت ودبّرت أموري .. وعزمت على ذيك ( البنت ) .. ولكن خابت الآمال .. وضاعت الأمور ... وسوّاها ( الحول ) !
يجيني سؤال زي العسل ... ويقول .. وش لون ماقدرت تاخذها وانت مخطّطّ عليها ؟
أقول .. واذا كان دحيّم ( مبيّت النيه ) عليها .. وانه مخطّطّ قبلي أنه يقلب الطاوله ويكب الشاهي على راسي .. !
العلم ومافيه ... أن الرجّال خذها من وراي .. وراح للشرقيه .. ودقّ علي من هِناك يقهرني .. ويقول لي بعظمة لسانه جعلها تقطع ( هاه وش رايك ناخذ مسيار ) ! http://forum.ma3ali.net/images/smilies/smilie.gif
دحيّم الأحول .. ترتيبه الأول والأخير في البيت من العيال .. يعني مافيه إلا هو وامه وابوه .. يعني هو آخر العنقود وهو العود في نفس الوقت http://forum.ma3ali.net/images/smilies/smilie.gif !
أبوه مايتكل عليه في شي إلا في السرق .. ودايم يكون طفران ومايرد راسه إلا ( لي ) !
زميله الخاص والــ v.i.p .. المُدمن لاغير ! http://forum.ma3ali.net/images/smilies/sad.gif
ميزته الوحيده اللي أحب أبيّنها لكم أنه رجّال ونيس ووسيع صدر .. ويحب الهبال .. وعشان كذا أنا متمسّك فيه !
لي إجتماع خاص معه كل جمعه الساعه ( الواحد ليلاً ) عشان نتدارس أحوال الحاره وندرس بعض الحلول لتطوير مشاكلها .. ونشوف لنا حلّ مع هالشيبان وقعدتهم عند النخل من الصبح وحتى مغيب الشمس !
سيارته من نوع قديم .. أخاف أقول لكم كم موديل السياره ونوعها وتموتون ضحك .. خلوا الدعوه ستر فيها أحسن !
بالنسبه لصلاته ... فأنا أشهد له بالصلاة << أمش يامطوّع الحاره ! .. http://forum.ma3ali.net/images/smilies/as1.gif
ماتفوته الصلاة في الجماعه ... دايم يلحق على الركعه الثالثه من المغرب والرابعه من العشاء !
يقدّر عصير التفاح لأنه مايرفع الضغط ... ويحب ياكل شاورما بدون دجاج !
http://forum.ma3ali.net/images/smilies/as1.gif
حالياً .. عاطل مع مرتبة الشرف !
ومستقبلاً .. يُخطط على غازات ولد بن هبّاس !
يضلّ دحيّم .. رفيق عِشره .. وياحلالاته يوم يموت وآخذ بنت بن رويسان ! http://forum.ma3ali.net/images/smilies/smilie.gif
سلام علاكم !
[ مُدمن شاهي ] http://forum.ma3ali.net/images/smilies/smilie.gif